Last Updated:
ஏ பிரிவில் அமெரிக்கா அணி இந்தத் தொடரிலிருந்து அதிகாரப்பூர்வமாக வெளியேறியுள்ளது.
பலவீனமான நமீபியை அணியை 102 ரன்கள் வித்தியாசத்தில் வீழ்த்தி பாகிஸ்தான் அணி சூப்பர் 8 சுற்றுக்கு முன்னேறியுள்ளது.
உலகக்கோப்பை டி20 கிரிக்கெட் தொடரில் கொழும்பில் நடைபெற்ற 2026 டி20 உலகக்கோப்பையின் முக்கியமான லீக் ஆட்டத்தில் பாகிஸ்தான் அணி 102 ரன்கள் வித்தியாசத்தில் நமீபியாவை வீழ்த்தி அபார வெற்றி பெற்றது.
முதலில் பேட்டிங் செய்த பாகிஸ்தான் அணியில் தொடக்க வீரர் சாஹிப்சாதா ஃபர்ஹான் நமீபியாவின் பந்துவீச்சை நாலாபுறமும் சிதறடித்தார். அவர் 58 பந்துகளில் 11 பவுண்டரிகள் மற்றும் 4 சிக்ஸர்களுடன் சதம் விளாசி கடைசி வரை களத்தில் இருந்தார். கேப்டன் சல்மான் ஆகா மற்றும் ஷதாப் கான் ஆகியோரின் அதிரடி பங்களிப்பால் பாகிஸ்தான் அணி 20 ஓவர்களில் 199 ரன்கள் என்ற இமாலய இலக்கை நமீபியாவுக்கு நிர்ணயித்தது.
சல்மான் அகா38 ரன்களும், சதாப் கான் 36 ரன்களும் எடுத்திருந்தனர். அதைத் தொடர்ந்து 200 ரன்கள் எடுத்தால் வெற்றி என்ற கடினமான இலக்குடன் களம் இறங்கிய நமீபியா அணி, பாகிஸ்தானின் துல்லியமான பந்துவீச்சை எதிர்கொள்ள முடியாமல் திணறியது.
குறிப்பாக உஸ்மான் தாரிக் 4 விக்கெட்டுகளையும், ஷதாப் கான் 3 விக்கெட்டுகளையும் வீழ்த்தி நமீபியாவின் பேட்டிங் வரிசையைச் சரித்தனர்.
இதனால் அந்த அணி 17.3 ஓவர்களிலேயே 97 ரன்களுக்கு ஆல்-அவுட் ஆனது. நமிபியா அணியில் அதிகபட்சமாக லோரன் ஸ்டீன்காம்ப் 23 ரன்களும், அலெக்சாண்டர் வோல்ஸ்செங்க் 20 ரன்களும் எடுத்தனர்.
