Last Updated:
3 போட்டிகளில் தோல்வியடைந்துள்ள ஓமன் போட்டித் தொடரை விட்டு வெளியேறியுள்ளது.
உலகக்கோப்பை கிரிக்கெட் தொடரில் இன்று நடைபெற்ற வாழ்வா சாவா ஆட்டத்தில் ஓமன் அணியை அயர்லாந்து 96 ரன்கள் வித்தியாசத்தில் வென்றுள்ளது. இன்றைய போட்டியில் தோல்வியடையும் அணி தொடரை விட்டு வெளியேற்றப்படும் நிலையில், ஓமனை வீழ்த்தி அடுத்த சுற்றுக்கான வாய்ப்பை அயர்லாந்து தக்க வைத்துக் கொண்டுள்ளது.
உலகக்கோப்பை கிரிக்கெட் தொடரில் பி பிரிவில் இன்று அயர்லாநது மற்றும் ஓமன் அணிகள் மோதிய போட்டி இலங்கையின் கொழும்பு நகரில் நடைபெற்றது. இந்த பிரிவில் ஆஸ்திரேலியாவை ஜிம்பாப்வே அணி வென்றதால் போட்டி கடினமாக மாறியுள்ளது.
டாஸ் வென்ற ஓமன் அணி பவுலிங்கை தேர்வு செய்ய, அடுத்து களம் இறங்கிய அயர்லாந்து பேட்ஸ்மேன்கள் ஓமன் பந்துவீச்சை அடித்து துவம்சம் செய்தனர்.
குறிப்பாக கேப்டனும், விக்கெட் கீப்பருமான லோர்கன் டக்கர் 51 பந்துகளில் 4 சிக்சர் 10 பவுண்டரியுடன் 94 ரன்கள் குவித்தார். கேரத் டிலானி 30 பந்துகளில் 56 ரன்கள் சேர்க்க 20 ஓவர்கள் முடிவில் 5 விக்கெட்டுகளை இழந்த அயர்லாந்து அணி 235 ரன்கள் குவித்தது.
இதையடுத்து 236 ரன்கள் எடுத்தால் வெற்றி என்ற கடினமான இலக்கை நோக்கி ஓமன் அணி பேட்டிங்கை தொடங்கியது. இமாலய இலக்காக இருந்தாலும் அந்த அணியின் தொடக்க வீர் ஆமிர் கலீம் 29 பந்துகளில் 2 சிக்சர் மற்றும் 5 பவுண்டரியுடன் 50 ரன்கள் குவித்து நல்ல தொடக்கத்தை கொடுத்தார்.
ஹம்மத் மிர்சா 46 ரன்கள் சேர்த்தார். மற்ற வீர்கள் சொற்ப ரன்களில் ஆட்டமிழக்க 18 ஓவர்கள் முடிவில் அனைத்து விக்கெட்டுகளையும் இழந்த ஓமன் அணியால் 139 ரன்கள் மட்டுமே எடுக்க முடிந்து 96 ரன்கள் வித்தியாசத்தில் தோல்வியடைந்தது.
