Last Updated:
இஷான் கிஷன் 20 ரன்னிலும், திலக் வர்மா 16 பந்துகளில் 25 ரன்களும் எடுத்து ஆட்டமிழந்தனர்.
அமெரிக்காவுக்கு எதிரான உலகக்கோப்பை டி20 தொடரின் லீக் ஆட்டத்தில் இந்திய அணி 7 ஓவர்களில் 4 முக்கிய விக்கெட்டுகளை இழந்து தடுமாறியது.
உலகக்கோப்பை டி20 கிரிக்கெட் தொடரில் அமெரிக்காவுக்கு எதிரான மேட்ச்சில் இந்திய அணி முதலில் பேட்டிங் செய்கிறது. மும்பை வான்கிடே மைதானத்தில் நடைபெறும் இந்த போட்டியில் டாஸ் வென்ற அமெரிக்கா அணியின் கேப்டன் மோனங்க் படேல் பவுலிங்கை தேர்வு செய்துள்ளார்.
இதையடுத்து இந்திய அணியின் பேட்ஸ்மேன்கள் களம் இறங்கியுள்ளனர். இந்திய அணியை பொருத்தவரை பேட்டிங் வரிசை மிக பலமாக இருப்பதால், அனுபவம் இல்லாத அமெரிக்காவுக்கு எதிரான இன்றைய போட்டியில் அதிக ரன்கள் குவிக்கும் என்று எதிர்பார்க்கப்பட்டது.
ஆனால் அதற்கு மாற்றமாக இந்திய அணியின் வீரர்கள் அடுத்தடுத்து விக்கெட்டுகளை பறி கொடுத்தனர். தொடக்க வீரர் அபிஷேக் சர்மா முதல் பந்திலேயே விக்கெட்டை பறிகொடுத்து வெளியேறினார்.
அடுத்து இணைந்த இஷான் கிஷன் – திலக் வர்மா இணை ஓரளவு ரன்கள் சேர்த்தது. இஷான் கிஷன் 20 ரன்னிலும், திலக் வர்மா 16 பந்துகளில் 25 ரன்களும் எடுத்து ஆட்டமிழந்தனர்.
அடுத்து வந்த சிவம் துபே முதல் பந்திலேயே வெளியேற, இந்திய அணி 6 ஓவர்கள் முடிவில் 4 விக்கெட் இழப்புக்கு 46 ரன்கள் என்ற நிலையில் தடுமாறியது.
