Wedding loan | திருமணக் கடன் வாங்குவது கிரெடிட் ஸ்கோரை பாதிக்குமா…? அபாயங்கள் மற்றும் எதிர்மறையான விளைவுகள்… | வணிகம்

இதற்கான தாக்கம் என்பது நீங்கள் அந்த தனிநபர் கடனை எவ்வாறு நிர்வகிக்கிறீர்கள் என்பதைப் பொறுத்து அது நேர்மறையான தாக்கத்தை ஏற்படுத்தலாம் அல்லது எதிர்மறையானதாகவும் இருக்கலாம்.

• இந்த திருமணக் கடனை வாங்கி, அதனை சரியான நேரத்தில் நீங்கள் திருப்பி செலுத்தும்போது, வலுவான கடன் வரலாற்றை உங்களால் அமைக்க முடியும்.
• இதற்கு நீங்கள் ஆட்டோ-டெபிட் ஆப்ஷன்களைப் பயன்படுத்தலாம்.
• ஏற்கனவே உங்களிடம் கிரெடிட் கார்டுகள் இருந்தால் பர்சனல் லோன் வாங்குவதன் மூலமாக எல்லா வகையான கடன்களை நிர்வகிப்பதிலும் உங்களுக்கு அனுபவம் இருக்கிறது என்பதை வெளிப்படுத்தலாம்.
• முதலில் அதிக வட்டி கொண்ட கடன்களில் நீங்கள் கவனம் செலுத்த வேண்டும். அதன் மூலமாக வட்டிக்கு ஆகும் செலவுகளைக் கட்டுப்பாட்டில் வைக்கலாம்.
• எப்பொழுதும் உணர்வுகளின் அடிப்படையில் கடன் வாங்கக்கூடாது. தேவை ஏற்பட்டால் மட்டுமே நீங்கள் கடன் வாங்க வேண்டும் என்பதை மனதில் வைத்துக் கொள்ளுங்கள்.

• ஒவ்வொரு முறை நீங்கள் பர்சனல் லோன் அல்லது கிரெடிட் கார்டுக்கு விண்ணப்பிக்கும்போது கடன் வழங்குனர்கள் அல்லது வங்கிகள் ஹார்ட் என்கொயரி செய்வது வழக்கம். இது உங்களுடைய கிரெடிட் ஸ்கோரை தற்காலிகமாக குறைக்கலாம்.
• நீங்கள் ஒரு பெரிய பர்சனல் லோனை எடுக்கும்போது அது இயற்கையாகவே உங்களுடைய கடன் பொறுப்புகளை அதிகரிக்கும். எனவே, அதிக கடன் வருமான விகிதம் எப்பொழுதும் ஒரு நல்ல விஷயம் கிடையாது. இது உங்களுடைய கிரெடிட் ஸ்கோருக்கு மோசமான சேதத்தை ஏற்படுத்தலாம்.
• கடன் வாங்கியவர் கடன் பேமென்ட்களை சரியான நேரத்தில் செலுத்தத் தவறினாலும் அதற்கான தாக்கம் என்பது அடுத்த 7 வருடங்களில் அவருடைய கிரெடிட் ரிப்போர்ட்டில் வெளிப்படும். அதுமட்டுமல்லாமல் எதிர்காலத்தில் கடன் பெறுநர் இதனால் சட்டரீதியான விளைவுகளையும் சந்திக்க நேரிடலாம்.

• ஒரு பர்சனல் லோன் வாங்குவதற்கு முன்பு முன்னணி பொருளாதார நிறுவனங்களின் அதிகாரப்பூர்வ வெப்சைட்டுகளில் கிடைக்கும் பர்சனல் லோன் EMI கால்குலேட்டர்களைப் பயன்படுத்தி எவ்வளவு EMI செலுத்த வேண்டும் என்பதை தெரிந்து கொள்ளுங்கள்.
• டியூ தேதிகளை தவறவிடாமல் இருப்பதற்கு EMIகளை செலுத்த ஆட்டோ-டெபிட் ஆப்ஷன்களை எனேபிள் செய்து கொள்ளுங்கள்.
• ஒரு குறுகிய காலகட்டத்தில் அளவுக்கு அதிகமாக கடன் விண்ணப்பங்களை சமர்ப்பிக்க வேண்டாம்.
• CIBIL, CRIF, High Mark, Equifax மற்றும் Experian போன்ற கிரெடிட் பியூரியாக்கள் வழங்கும் கிரெடிட் ரிப்போர்ட்டுகளை கண்காணிப்பது அவசியம். இதில் ஏதேனும் தவறுகள் அல்லது பிழைகள் இருக்கிறதா என்பதை வழக்கமான முறையில் நீங்கள் தெரிந்துகொள்ள வேண்டும்.
• கடனை திருப்பி செலுத்திய பிறகும்கூட பொறுப்பாக நடந்துகொண்டு, அடுத்தடுத்த கடன் தேவைப்பட்டால் மட்டுமே அதனை வாங்க வேண்டும்.
• பொருளாதாரம் சம்பந்தப்பட்ட முடிவுகளை எடுப்பதற்கு நீங்கள் அங்கீகரிக்கப்பட்ட பொருளாதார ஆலோசகர்களுடன் உரையாடலாம்.