Last Updated:
Tomato Prices In Thanjavur| கடந்த சில வாரங்களாக ஒரு சில காய்கறிகளின் வரத்து அதிகமாக இருந்ததால் குறைந்த விலையில் விற்பனை செய்யப்பட்டது. அதே நேரத்தில் கடந்த மாதம் தக்காளி கிலோ ரூ.40 வரை விற்பனை செய்யப்பட்ட நிலையில் தற்போது வரத்து அதிகரித்துள்ளது.
தஞ்சாவூர் அரண்மனை வளாகத்தில் காமராஜர் காய்கறி மார்க்கெட் செயல்பட்டு வருகிறது. தஞ்சை மார்க்கெட்டிற்கு கரூர், தூத்துக்குடி, தேனி, பழனி, உடுமலைப்பேட்டை, பொள்ளாச்சி, உள்ளிட்ட தமிழகத்தின் பல பகுதிகளில் இருந்தும் ஆந்திரா, கர்நாடகா, கேரளா உள்ளிட்ட மாநிலங்களில் இருந்தும் காய்கறிகள் இங்கு விற்பனைக்கு கொண்டு வரப்படும். இங்குள்ள மொத்த வியாபாரிகளிடமிருந்து சில்லறை வியாபாரிகள் காய்கறிகளை வாங்கிக் கொண்டு தஞ்சை மாவட்டம் முழுவதும் விற்பனை செய்து வருகின்றனர்.
இந்த நிலையில் கடந்த சில வாரங்களாக ஒரு சில காய்கறிகளின் வரத்து அதிகமாக இருந்ததால் குறைந்த விலையில் விற்பனை செய்யப்பட்டது. அதே நேரத்தில் கடந்த மாதம் தக்காளி கிலோ ரூ.40 வரை விற்பனை செய்யப்பட்ட நிலையில் வரத்து அதிகரித்துள்ளதால் ரூ.15-20 விற்பனை செய்யப்படுகிறது. அதேபோல முட்டைகோஸ், பரங்கிக்காய், பூசணிக்காய், சுரைக்காய் ஆகிய காய்களும் கிலோ ரூ.20-க்கு விற்பனை செய்யப்படுகிறது.
தற்போது தக்காளி சீசன் என்பதால் அடுத்த ஒரு சில மாதங்களுக்கு தக்காளி விலை குறைந்த விலையில் விற்பனை செய்யப்படும் என வியாபாரிகள் தெரிவித்தனர். மேலும் வெங்காயம் கிலோ ரூ.56-க்கும், கத்தரிக்காய் கிலோ ரூ.30-46-க்கும், உருளைக்கிழங்கு கிலோ ரூ.32-க்கும், பீன்ஸ் கிலோ ரூ.40-க்கும், கேரட் கிலோ ரூ.60-க்கும், முருங்கைக்காய் கிலோ ரூ.110-க்கும் மற்ற அனைத்து காய்கறிகளும் மற்ற காய்கறிகள் 30-66 வரை விற்பனை செய்யப்படுகிறது.
உங்கள் ஊர் செய்திகளை வீடியோவாக பெற கிளிக் செய்க
February 17, 2025 12:33 PM IST
