நாட்டில் தொடரும் அவசரகால சூழ்நிலைக்கு மத்தியில், துயரத்தில் இருக்கும் பெண்கள் மற்றும் சிறுவர்கள் தொடர்பான விடயங்களை முறைப்பாடு செய்வதற்கு இரண்டு புதிய இலவச அழைப்புக்கான தொலைபேசி உடனடி இலக்கங்களை மகளிர் மற்றும் சிறுவர் விவகாரங்கள் அமைச்சு அறிமுகப்படுத்தியுள்ளது.
பெண்கள் தொடர்பான தகவல்களை முறைப்பாடளிக்க 1938 என்ற இலக்கமும், சிறுவர்கள் தொடர்பான விடயங்களை முறைப்பாடளிக்க 1929 என்ற இலக்கமும் பயன்படுத்தப்படலாம் என அமைச்சு தெரிவித்துள்ளது.
இந்த இரண்டு சேவைகளும் இலவசமாக, 24 மணி நேரமும் செயல்படும் என்பதுடன், சிங்களம், தமிழ் மற்றும் ஆங்கிலம் ஆகிய மூன்று மொழிகளிலும் ஆதரவு கிடைப்பதை உறுதிசெய்கின்றன. (a)
