சர்வதேச கிரிக்கெட் சபையின் இருபதுக்கு – 20 உலகக் கிண்ணத் தொடரில், கொழும்பு ஆர் பிரேமதாஸ மைதானத்தில் நடைபெற்று வரும் நியூசிலாந்துக்கெதிரான குழு இரண்டு சுப்பர் 8 சுற்றுப் போட்டியில் இங்கிலாந்து வெற்றி பெறுதற்கு 160 ஓட்டங்களைப் பெற வேண்டியுள்ளது.
இப்போட்டியில் முதலில் துடுப்பெடுத்தாடிய நியூசிலாந்து, அடில் ரஷீட் (2), வில் ஜக்ஸ் (2), றெஹான் அஹ்மட் (2), லியம் டோஸனிடம் விக்கெட்டுகளைப் பறிகொடுத்து 20 ஓவர்களில் 7 விக்கெட்டுகளை இழந்து 159 ஓட்டங்களைப் பெற்றது. துடுப்பாட்டத்தில் கிளென் பிலிப்ஸ் 39 (28), டிம் செய்ஃபேர்ட் 35 (25), பின் அலென் 29 (19), மார்க் சப்மன் 15 (09) ஓட்டங்களைப் பெற்றனர்.
