2024 சிஜில் பெலஜாரன் மலேசியா (SPM) வரலாற்றுத் தாள்கள் 1 மற்றும் 2 இல் கசிவு ஏற்பட்டதாக எழுந்த செய்திகளை கல்வி அமைச்சகம் இன்று மறுத்துள்ளது.
திரைப்பிடிப்புகள்(ஸ்கிரீன் ஷாட்) மற்றும் பதிவுகள் இணையத்தில் பரவிய பின்னர் நடத்தப்பட்ட முழுமையான விசாரணையில், அந்தக் கூற்றுக்கள் ஆதாரமற்றவை என்று தெரியவந்துள்ளது.
“பரப்பப்பட்ட திரைப்பிடிப்புகளில் வரலாற்றுப் பாடப்புத்தகத்திலிருந்து சாத்தியமான கணிப்புகள் என ஊகிக்கப்பட்ட தலைப்புகளின் பட்டியல் மட்டுமே இடம்பெற்றிருந்தது.
“2024 SPM வரலாற்றுத் தாள்கள் 1 மற்றும் 2 இல் இருந்து உண்மையான கேள்விகள் எதுவும் எந்தவொரு பதிவுகள் அல்லதுதிரைப்பிடிப்புகளிலும் இடம்பெறவில்லை” என்று அது ஒரு அறிக்கையில் தெரிவித்துள்ளது.
தேர்வு வாரியத்தால் நிர்ணயிக்கப்பட்ட நடைமுறைகளின்படி தேர்வுத் தாள் கசிவுக்கான அதிகாரப்பூர்வ வரையறையை இந்தக் கூற்றுகள் பூர்த்தி செய்யவில்லை என்று அது கூறியது.
SPM வேட்பாளர்கள் அமைதியாகவும், தேர்வுகளுக்குத் தயாராவதில் கவனம் செலுத்தவும் அறிவுறுத்தியது.
“பொதுத் தேர்வுத் தாள்களின் ரகசியத்தன்மையை நிலைநிறுத்துவதற்கு கல்வி அமைச்சகம் உறுதிபூண்டுள்ளது, மேலும் 2024 SPM வேட்பாளர்கள் அனைவரின் நலனும் உறுதியளிக்கப்படுகிறது” என்று அது கூறியது.
-fmt
