யுபிஐ மூலம் பிஎஃப் பணம் நேரடியாக வங்கி கணக்குகளுக்கு வருவதால், இபிஎஃப்ஓ போர்ட்டலில் உள்ள உங்கள் வங்கி கணக்கு எண், ஐஎஃப்எஸ்சி (IFSC) குறியீடு மற்றும் கணக்கு வைத்திருப்பவரின் பெயர் ஆகியவை சரியாக இருப்பதை உறுதி செய்ய வேண்டும். அதாவது வங்கி கணக்கில் உள்ள பெயர், பிஎஃப் கணக்கில் உள்ள பெயர், ஆதாரில் உள்ள பெயர் ஆகிய அனைத்தும் ஒரே மாதிரி இருக்க வேண்டும். பிஎஃப் அமைப்புடன் நீங்கள் ஆக்டிவாக பயன்படுத்தும் வங்கி கணக்குகளை இணைத்து வைப்பது சிறந்தது. மாறாக, அதிகம் பயன்படுத்தாத, கேஒய்சி அப்டேட் செய்யப்படாத வங்கி கணக்குகளை இணைத்திருந்தால் பிஎஃப் பணம் அதற்கு மாறுவதில் சிக்கல் ஏற்படும். அதேபோல், கிளைம்கள் நிராகரிக்கப்படலாம்.
