Last Updated:
ஆண் வாரிசுக்கு எந்த வகையிலும் ஜூ ஏ சளைத்தவர் அல்ல என நிரூபிக்கும் வகையில், வட கொரிய அதிபர் தன் மகளுக்கு போர் பயிற்சி கொடுத்ததாக சொல்லப்படுகிறது.
தனது 13 வயது மகளை அடுத்த தலைவராக்க, வடகொரிய அதிபர் கிம் ஜாங் உன் முடிவு செய்திருப்பதாக தென்கொரியா தெரிவித்துள்ளது. வடகொரியாவில் நாடாளுமன்ற உறுப்பினர்களின் உயர்மட்ட ரகசிய ஆலோசனைக் கூட்டம் நடைபெற்றதாக தென்கொரியா உளவு அமைப்பு தகவல் வெளியிட்டுள்ளது.
இந்த ஆலோசனைக் கூட்டத்தில், கிம் ஜாங் உன்னின் 13 வயது மகள் கிம் ஜூ ஏ-வை அடுத்த தலைவராக்க முடிவு செய்திருப்பதாகக் கூறப்படுகிறது. வடகொரிய ஊடகங்கள் கிம் ஜூ ஏ-விற்கு அந்நாட்டின் உயரிய தலைவருக்கு வழங்கும் மரியாதையை கொடுப்பதாக தென்கொரிய உளவு அமைப்பு குறிப்பிட்டுள்ளது. மேலும், அண்மையில் ராணுவ டாங்கிகளை இயக்கியும், ஆயுதங்களை கையாண்டும் கிம் ஜூ ஏ பயிற்சி மேற்கொண்டார்.
மகள் ஜூ ஏ உடன் கிம் ஜாங் உன்
பெண் தலைவரை ஏற்றுக் கொள்வதில் சிக்கல் எழுந்துவிடக் கூடாது என்பதற்காக 13 வயதிலேயே அவரை அடுத்த தலைவராக்க கிம் ஜாங் உன் முடிவு செய்திருப்பதாக கூறப்படுகிறது. மேலும், ஆண் வாரிசுக்கு எந்த வகையிலும் ஜூ ஏ சளைத்தவர் அல்ல என்பதை நிரூபிக்கவே போர் பயிற்சியில் ஈடுபடுத்தியதாகவும் தென்கொரிய உளவு அமைப்பு குறிப்பிட்டுள்ளது.
Click here to add News18 as your preferred news source on Google. Apr 07, 2026 12:37 PM IST
