Last Updated:
Nobel Prize Chemistry: 2026ம் ஆண்டுக்கான வேதியியல் துறைக்கான நோபல் பரிசு, ஹென்றி பி. ககன், கென்சோ சோய் ஆகிய இருவருக்கும் பகிர்ந்தளிக்கப்படுவதாக ராயல் ஸ்வீடிஷ் அறிவியல் அகாடமி அதிகாரப்பூர்வமாக அறிவித்துள்ளது.
2026ம் ஆண்டுக்கான வேதியியல் துறைக்கான நோபல் பரிசு, ஹென்றி பி. ககன், கென்சோ சோய் ஆகிய இருவருக்கும் பகிர்ந்தளிக்கப்படுவதாக ராயல் ஸ்வீடிஷ் அறிவியல் அகாடமி அதிகாரப்பூர்வமாக அறிவித்துள்ளது.
‘அமினோ அமிலங்கள்’ போன்ற சில வேதியியல் மூலக்கூறுகள், ஒன்றுக்கொன்று கண்ணாடி பிம்பம் போல இரண்டு வடிவங்களில் காணப்படுகின்றன. அவை ஒரே வேதியியல் பொருட்களால் உருவானவை என்றாலும், அவற்றின் உள் அமைப்பில் ‘வலது கை வடிவம்’, ‘இடது கை வடிவம்’ என இரண்டு எதிரெதிர் வடிவங்கள் உள்ளன.(உதாரணமாக, நமது வலது மற்றும் இடது கைகளைப் போல)
மனிதர்கள், விலங்குகள், தாவரங்கள் என அனைத்து உயிரினங்களும் இந்த இரண்டில் ஏதாவது ஒரு வடிவத்தால் மட்டுமே முழுமையாகக் கட்டமைக்கப்பட்டுள்ளன. உதாரணமாக, பூமியில் உள்ள அனைத்து உயிரினங்களும் ‘இடது கை’ வடிவ அமினோ அமிலங்கள் மட்டுமே உள்ளன.
இயற்கையில் இப்படி ஒரு குறிப்பிட்ட மூலக்கூறு வடிவம் மட்டுமே ஆதிக்கம் செலுத்துவது எப்படி? உயிரினங்களில் இந்தத் தன்மை எப்படி உருவானது? என்ற கேள்வி, அறிவியலில் நீண்ட காலமாகவே விடை தெரியாத புதிராக இருந்து வந்தது. அதற்கான உண்மையான காரணத்தையும் கோட்டபாட்டையும் கண்டுபிடித்ததற்காக ஹென்றி பி. ககன், கென்சோ சோய் ஆகிய இருவருக்கும் பரிசு வழங்கப்பட்டுள்ளதாக நோபல் அகாடமி தெரிவித்துள்ளது.
முன்னாதாக, 2026ம் ஆண்டுக்கான இயற்பியல் நோபல் பரிசு, ‘நியூட்ரினோ’ துகள்களைக் கண்டறியும் ஆய்வுக்காக பேராசியர் பிரான்சிஸ் ஹால்சனுக்கு அறிவிக்கப்பட்டது. அண்டார்டிகாவில் உள்ள ‘ஐஸ்கியூப் நியூட்ரினோ ஆய்வகத்தின்’ உருவாக்கத்தில் இவரது பங்களிப்புக்காக இந்த விருது வழங்கப்பட்டது என்பதும் குறிப்பிடத்தக்கது.
