Last Updated:
கடைசி ஓவரில் மட்டும் கோழிக்கோடு அணி 40 ரன்கள் குவித்தது. அதற்கு முந்தைய ஓவரில் தொடர்ச்சியாக 5 சிக்ஸர்கள் விளாசப்பட்டன.
கேரளாவில் நடைபெற்று வரும் கேரளா கிரிக்கெட் லீக் தொடரில் 13 பந்துகளில் பேட்ஸ்மேன் நிசார் 11 சிக்ஸர்கள் அடித்து ஆட்டத்தின் போக்கையே மாற்றினார். இது தொடர்பான வீடியோ ஒன்று கிரிக்கெட் ரசிகர்கள் மத்தியில் அதிகம் பகிரப்பட்டு வருகிறது.
கேரளாவில் டி20 ஃபார்மெட்டில் உள்ளூர் அணிகள் பங்கேற்கும் கிரிக்கெட் லீக் போட்டி நடத்தப்பட்டு வருகிறது. இதில் திருவனந்தபுரத்தில் நேற்று நடைபெற்ற ஆட்டத்தில் கோழிக்கோடு குளோப்ஸ்டார்ஸ் மற்றும் அதானி திருவனந்தபுரம் ராயல்ஸ் அணிகள் மோதின.
இந்தப் போட்டியில் முதலில் பேட்டிங் செய்த கோழிக்கோடு அணியைச் சேர்ந்த பேட்ஸ்மேன் சல்மான் நிசார் 26 பந்துகளில் 86 ரன்கள் குவித்தார். குறிப்பாக கடைசி 13 பந்துகளில் அவர் 11 சிக்ஸர்கள் அடித்து அணியின் ஸ்கோரை உயர்த்தினார்.
187 ரன்கள் எடுத்தால் வெற்றி என்ற இலக்கை நோக்கி விளையாடிய திருவனந்தபுரம் அணியால் 173 ரன்கள் மட்டுமே எடுக்க முடிந்தது. இரண்டு ஓவர்களில் ஆட்டத்தின் போக்கையே மாற்றிய பேட்ஸ்மேன் சல்மான் நிசாருக்கு ஆட்டநாயகன் விருது வழங்கப்பட்டது.
August 31, 2025 11:59 AM IST
