Iran | மீண்டும் தாக்குதலை தொடங்கிய ஈரான்… மீண்டும் பதற்றத்தில் மத்திய கிழக்கு! | World News (உலக செய்திகள்)

ஹோர்முஸ் நீரிணை அருகே ஈரான் நோக்கிச் சென்ற கப்பல் மீது தாக்குதல் நடத்தப்பட்டுள்ளது. தங்களது அறிவுரையை மீறி எண்ணெய் கப்பல் சென்றதால் தாக்குதல் நடத்தப்பட்டதாக அமெரிக்கா தரப்பில் தெரிவிக்கப்பட்டுள்ளது. மேலும், மத்திய கிழக்கு நாடுகளில் ஈரான் நடத்தவிருந்த தாக்குதலைத் தடுக்கும் வகையில் ஈரானின் கெஷ் தீவில் ஏவுகணைகள் வீசி தாக்கியதாக அமெரிக்கா அறிவித்துள்ளது.

குவைத்தில் ஈரான் தாக்குதல்

இந்நிலையில் இந்தத் தாக்குதலுக்குப் பதிலடி கொடுக்கும் வகையில் குவைத், பஹ்ரைன் மீது ஈரான் தாக்குதல் நடத்தியது. அந்த நாடுகளில் உள்ள அமெரிக்க ராணுவ மையங்களை குறிவைத்து இந்தத் தாக்குதல் நடத்தப்பட்டதாகத் தெரிகிறது. மேலும் அமெரிக்க ஹெலிகாப்டர் மீதும் தாக்குதல் நடத்தப்பட்டதாக ஈரான் அறிவித்தது. ஆனால் ஈரான் வீசிய ஏவுகணை தகர்க்கப்பட்டதாக அமெரிக்காவின் மத்திய கமெண்ட் அறிவித்துள்ளது.