IPL 2026 : வெற்றியை தீர்மானித்த கடைசி பந்து.. 1 ரன் வித்தியாசத்தில் டெல்லியை வென்றது குஜராத் டைட்டன்ஸ்.. | IPL News (ஐபிஎல் செய்திகள்)

டெல்லி அருண் ஜேட்லி மைதானத்தில் நடைபெற்ற இப்போட்டியில் டாஸ் வென்ற டெல்லி கேப்பிடல்ஸ் அணி முதலில் பந்துவீச்சைத் தேர்வு செய்தது. இதன்படி களமிறங்கிய குஜராத் டைட்டன்ஸ் அணியில் கேப்டன் ஷுப்மன் கில் 45 பந்துகளில் 70 ரன்கள் குவித்தார்.

ஜாஸ் பட்லர் 52 ரன்களும், வாஷிங்டன் சுந்தர் 55 ரன்களும் எடுத்தனர். சாய் சுதர்சன் 20 பந்துகளில் 12 ரன்கள் எடுத்தார். கிளென் பிலிப்ஸ் 14 ரன்கள் சேர்க்க 20 ஓவர்கள் முடிவில் 4 விக்கெட்டுகளை இழந்த குஜராத் அணி 210 ரன்கள் எடுத்தது.

இதையடுத்து 211 ரன்கள் எடுத்தால் வெற்றி என்ற இலக்கை நோக்கி டெல்லி அணியின் வீரர்கள் களம் இறங்கினர். தொடக்க வீரர் பதும் நிசாங்கா 24 பந்துகளில் 41 ரன்கள் எடுத்து நல்ல தொடக்கத்தை அளித்தார். நிதிஷ் ராணா 5 ரன்னிலும், சமீர் ரிஸ்வி ரன் ஏதும் எடுக்காமல் ஆட்டமிழந்து ஏமாற்றம் அளித்தனர்.

அரைச்சதம் கடந்து அதிரடியாக ரன்கள் குவித்த கே.எல். ராகுல் 52 பந்துகளில் 92 ரன்கள் குவித்து ஆட்டமிழந்தார். கடைசி பந்தில் அணி வெற்றி பெற 2 ரன்கள் தேவைப்பட்டபோது, குல்தீப் யாதவ் ரன் அவுட்டானார்.

இதனால் குஜராத் டைட்டன்ஸ் அணி 1 ரன் வித்தியாசத்தில் வெற்றி பெற்றது. 20 ஓவர்களில் 41 ரன்கள் சேர்த்து டெல்லி அணியை வெற்றிபெற வைக்க முயன்ற டேவிட் மில்லரின் முயற்சி வீணானது. இதன் மூலம் தனது முதல் வெற்றியை இந்த தொடரில் குஜராத் அணி பதிவு செய்துள்ளது.