Last Updated:
IPL 2026 | லக்னோ அணிக்கு எதிரான ஐபிஎல் போட்டியில் குஜராத் டைட்டன்ஸ் அணி மெகா வெற்றியை பதிவு செய்துள்ளது.
லக்னோ அணிக்கு எதிரான ஐபிஎல் போட்டியில் குஜராத் டைட்டன்ஸ் அணி மெகா வெற்றியை பதிவு செய்துள்ளது.
ஐபிஎல் 2026 தொடரின் 19வது லீக் போட்டியில் லக்னோ மற்றும் குஜராத் டைட்டன்ஸ் அணிகள் இன்று மோதின. டாஸ் வென்று குஜராத் பௌலிங் தேர்வு செய்ய முதலில் பேட்டிங் செய்த லக்னோ அணிக்கு தொடக்கம் சரியாக அமையவில்லை. எய்டன் மார்க்ரம் 30 ரன்கள் எடுக்க, அவரை தாண்டி மற்ற வீரர்கள் யாரும் பெரிய ரன்கள் எடுக்கவில்லை. மாறாக சீரான இடைவெளியில் விக்கெட்களை இழந்தனர். பிரசித் கிருஷ்ணா 4 விக்கெட்கள் வீழ்த்த லக்னோ அணி 20 ஓவர்களில் 8 விக்கெட் இழப்புக்கு 164 ரன்கள் எடுத்தது.
எளிய இலக்கை துரத்திய குஜராத் அணிக்கு சாய் சுதர்சன் 15 ரன்களில் விக்கெட்டை இழந்து அதிர்ச்சி கொடுத்தாலும் சுப்மன் கில் வலுவான தொடக்கம் கொடுத்தார். அவருடன் ஜோஸ் பட்லரும் இணைந்து அதிரடி காண்பிக்க ஸ்கோர் உயர்ந்தது. கில் 56 ரன்கள், பட்லர் 60 ரன்கள் எடுத்து அவுட்டாகினர்.
இந்த மூவரை தவிர வேறு யாரையும் லக்னோ பௌலர்கள் வீழ்த்த முடியவில்லை. இறுதி நேரத்தில் வாஷிங்டன் சுந்தர் 21 ரன்கள், ராகுல் தெவாட்டியா 10 ரன்கள் எடுத்த குஜராத் அணி 3 விக்கெட் இழப்புக்கு 18.4 ஓவர்களில் எளிதாக வெற்றிபெற்றது.
Chennai [Madras],Chennai,Tamil Nadu
