Last Updated:
சஞ்சு சாம்சன் சென்னை அணிக்கு வருவாரா என்பது குறித்த விவாதங்கள் சமூக வலைதளங்களில் கடந்த சில வாரங்களாக அதிகரித்துள்ளன.
ஐபிஎல் 2026 ஆம் ஆண்டு போட்டிக்கான மினி ஏலம் இந்தியாவில் நடைபெறும் என எதிர்பார்க்கப்பட்ட நிலையில் இடம் மாற்றம் செய்யப்பட்டுள்ளதாக தற்போது தகவல்கள் வெளிவந்துள்ளன.
இந்த ஏலம் அபுதாபியில் (Abu Dhabi) நடைபெறும் என்று ஏறக்குறைய உறுதிப்படுத்தப்பட்டுள்ளது. மும்பை மற்றும் பெங்களூரு போன்ற இந்திய நகரங்களில் ஏலம் நடத்த முதலில் பேச்சுவார்த்தை நடந்தாலும், வெளிநாட்டுப் பயிற்சியாளர்கள் மற்றும் ஒளிபரப்பு ஊழியர்களின் வசதிக்காக மீண்டும் வெளிநாட்டில் நடத்த முடிவெடுக்கப்பட்டுள்ளது
ஆரம்பத்தில் டிசம்பர் 14 என்று முடிவு செய்யப்பட்டாலும், தற்போது டிசம்பர் 15 அல்லது 16 ஆகிய தேதிகளில் ஏலம் நடைபெற அதிக வாய்ப்புள்ளதாகத் தெரிகிறது.
ஐபிஎல் ஏலம் வெளிநாட்டில் நடப்பது இது தொடர்ந்து மூன்றாவது முறையாகும். இதற்கு முன் துபாய் (2023) மற்றும் ஜெட்டா (2024) ஆகிய இடங்களில் ஏலம் நடைபெற்றது. 2025-ல் மெகா ஏலம் நடைபெற்றதால், இந்த ஆண்டு நடைபெறுவது மினி ஏலம் ஆகும் என்பது குறிப்பிடத்தக்கது.
மினி ஏலத்திற்கு முன்னதாக ராஜஸ்தான் ராயல்ஸ் அணியின் நீண்டகால கேப்டன் மற்றும் விக்கெட் கீப்பர்-பேட்ஸ்மேனான சஞ்சு சாம்சன், ஐந்து முறை சாம்பியன் பட்டம் வென்ற சென்னை சூப்பர் கிங்ஸ் (CSK) அணிக்கு வர்த்தகம் செய்யப்படலாம்
சஞ்சு சாம்சனுக்குப் பதிலாக, சிஎஸ்கே அணியின் ஆல்-ரவுண்டர்களான ரவீந்திர ஜடேஜா மற்றும் சாம் கரண் அல்லது மற்றொரு சிஎஸ்கே வீரர் ராஜஸ்தான் ராயல்ஸ் அணிக்குச் செல்லலாம் என்று எதிர்பார்க்கப்படுகிறது.
சஞ்சு சாம்சன், அணியில் ஒரு மாற்றம் வேண்டும் என்று ராஜஸ்தான் ராயல்ஸ் நிர்வாகத்திடம் தெரிவித்ததாலும், எம்.எஸ். தோனிக்கு அடுத்த தலைமுறைக் கேப்டன் மற்றும் விக்கெட் கீப்பரைத் தேடும் சிஎஸ்கேவின் தேவையினாலும் இந்த வர்த்தகம் வேகமெடுத்துள்ளது.
November 11, 2025 7:30 PM IST
