IPL 2025 : உள்ளூர் மைதானத்தில் முதல் வெற்றி.. த்ரில்லர் மேட்ச்சில் ராஜஸ்தானை வீழ்த்தியது ஆர்சிபி

இதையடுத்து ஆர்சிபி அணியின் தொடக்க வீரர்களாக பிலிப் சால்ட் மற்றும் விராட் கோலி களம் இறங்கினர். நிதானமாக விளையாடிய சால்ட் 23 பந்துகளில் 4 பவுண்டரியுடன் 26 ரன்கள் எடுத்து ஆட்டமிழந்தார். பின்னர் இணைந்த கோலி – படிக்கல் இணை அதிரடியாக விளையாடி ரன்களை சேர்த்தது.

இருவரும் 2 ஆவது விக்கெட்டிற்கு 95 ரன்கள் பார்ட்னர்ஷிப் அமைத்தனர். அரைச்சதம் கடந்த விராட் கோலி 42 பந்துகளில் 70 ரன்கள் எடுத்து ஆட்டமிழந்தார். தேவ்தத் படிக்கல் 27 பந்துகளில் 3 சிக்சர் 4 பவுண்டரியுடன் 50 ரன்கள் எடுத்து வெளியேறினார்.

டிம் டேவிட் 23 ரன்களும், ஜிதேஷ் சர்மா 20 ரன்களும் எடுக்க 20 ஓவர்கள் முடிவில் 5 விக்கெட்டுகளை இழந்த ஆர்சிபி அணி 205 ரன்கள் எடுத்தது. ராஜஸ்தான் தரப்பில் சந்தீப் சர்மா 2 விக்கெட்டுகளை கைப்பற்றினார்.

இதையடுத்து 206 ரன்கள் எடுத்தால் வெற்றி என்ற இலக்கை நோக்கி ராஜஸ்தான் அணி களம் இறங்கியது. ஓபனிங் பேட்ஸ்மேன் யஷஸ்வி ஜெய்ஸ்வால் முதல் பந்தையே சிக்சருக்கு அனுப்பி ஆர்சிபிக்கு அதிர்ச்சி கொடுத்தார்.

அவருடன் இணைந்து அதிரடியாக ரன்கள் சேர்த்த வைபவ் சூர்யவன்ஷி 16 ரன்கள் எடுத்து புவனேஷ்வர் குமார் பந்துவீச்சில் போல்டாகி வெளியேறினார். 19 பந்துகளில் 3 சிக்சர் 7 பவுண்டரியுடன் 49 ரன்கள் எடுத்து யஷஸ்வி ஜெய்ஸ்வால் ஆட்டமிழந்தார்.

நிதிஷ் ராணா 28 ரன்களும், ரியான் பராக் 22 ரன்களும் எடுத்தனர். அதிகம் எதிர்பார்க்கப்பட்ட ஹெட்மேயர் 11 ரன்கள் எடுத்தார். அதிரடியாக ரன்கள் சேர்த்த துருவ் ஜுரெல் ராஜஸ்தான் அணிக்கு தொடர்ந்து நம்பிக்கை அளித்துக் கொண்டிருந்தார். 19 ஆவது ஓவரில் துருவ் ஜுரெல் 47 ரன்னிலும், ஜோப்ரா ஆர்ச்சர் ரன் ஏதும் எடுக்காமலும் அடுத்தடுத்து விக்கெட்டுகளை பறிகொடுத்தபோது ஆட்டம் ஆர்சிபி பக்கம் சாய்ந்தது.

இதையும் படிங்க – இந்திய கிரிக்கெட் அணியின் பயிற்சியாளர் காம்பீருக்கு தீவிரவாதிகள் கொலை மிரட்டல்? டெல்லி போலீசார் விசாரணை

கடைசி ஓவரில் அணியின் வெற்றிக்கு 17 ரன்கள் தேவைப்பட்டது. இந்த ஓவரில் 0,1, 1+Run Out, 1,  1 என மொத்தம் 5 ரன்கள் மட்டுமே எடுக்கப்பட ராயல் சேலஞ்சர்ஸ் பெங்களூரு அணி 11 ரன்கள் வித்தியாசத்தில் வெற்றி பெற்றது.