IPL 2024 | பஞ்சாப் Vs ஹைதரபாத் : யாருக்கு வெற்றி வாய்ப்பு?

ஐபிஎல் தொடரின் 17ஆவது சீசனில் இதுவரை 22 லீக் போட்டிகள் நடந்து முடிந்துள்ளன. இன்று ஷிகர் தவான் தலைமயிலான பஞ்சாப் கிங்ஸ் மற்றும் பேட் கம்மின்ஸ் தலைமையிலான சன் ரைசர்ஸ் ஐதராபாத் ஆகிய அணிகள் மோத உள்ளன.

பஞ்சாப் மாநிலம் மொஹாலியில் உள்ள மஹாராஜா யாதவிந்த்ரா சிங் சர்வதேச மைதானத்தில், இரவு 7.30 மணிக்கு இப்போட்டி நடைபெறுகிறது. பஞ்சாப் அணி இதுவரை விளையாடிய நான்கு போட்டிகளில் இரண்டில் வென்று, புள்ளிப்பட்டியலில் 6ஆவது இடத்தில் நீடிக்கிறது. , ஐதராபாத் அணியும் இதுவரை விளையாடிய 4 போட்டிகளில் இரண்டில் வெற்றி பெற்று புள்ளிப்பட்டியலில் 5ஆவது இடத்தில் உள்ளது.

இதையும் படிக்க : ஐயோ தாங்க முடியல.. தோனி வரும் போது ரசலை அலறவிட்ட விசில் – வைரல் வீடியோ

கடைசியாக விளையாடிய லீக் போட்டிகளில் இரண்டு அணிகளும் வெற்றி பெற்றுள்ளதால், இன்றைய போட்டியிலும் பரபரக்கும் என ரசிகர்கள் எதிர்பார்கின்றனர். ஐதராபாத் அணியோ பேட்டிங் மற்றும் பந்துவீச்சு என இரண்டிலும் சிறப்பான செயல்பாட்டை வெளிப்படுத்தி வருகிறது. பஞ்சாப் அணியில் பேட்டிங் ஆர்டரை பொறுத்தவரை ஒரே போட்டியில் கவனிக்கத்தக்க வீரராக மாறிய ஷஷாங்க் சிங் மீதான எதிர்பார்ப்பு அதிகரித்துள்ளது. பஞ்சாப்பின் பவுலர்கள் இந்த சீசனில் பெரிய தாக்கத்தை ஏற்படுத்தவில்லை. உள்ளூர் மைதானத்தில் களமிறங்குவது மட்டுமே பஞ்சாப் அணிக்கு கூடுதல் பலமாக பார்க்கப்படுகிறது.

ஐபிஎல் வரலாற்றில் இதுவரை இரு அணிகளும் 21 முறை நேருக்கு நேர் மோதியுள்ளன. அதில் ஐதராபாத் அணி 14 முறையும், பஞ்சாப் அணி 7 முறையும் வெற்றி பெற்றுள்ளன. பஞ்சாப் அணிக்கு எதிராக ஒரு போட்டியில் ஐதராபாத் அணி அதிகபட்சமாக 212 ரன்களையும், குறைந்தபட்சமாக 114 ரன்களையும் பதிவு செய்துள்ளது.

ஒவ்வொரு பொம்மைக்கும் வெவ்வேறு அர்த்தம் உள்ளது… விருதுநகர் மாரியம்மன் கோவிலின் விநோத வழிபாடு.!
மேலும் செய்திகள்…