IPL பார்ப்பதில் ஆர்வம் காட்டும் ரசிகர்கள்.. 10 கோடி கட்டண சந்தாதாரர்களை கடந்து ஜியோ ஹாட்ஸ்டார் சாதனை

டாடா ஐபிஎல் கிரிக்கெட் தொடர் தொடங்கப்பட்டதிலிருந்து ஜியோ ஹாட்ஸ்டாரை சப்ஸ்கிரைப் செய்வோரின் எண்ணிக்கை கணிசமாக உயர்ந்துள்ளது. ஜியோ ஹாட்ஸ்டார் தளத்தில் ஹாலிவுட் படங்கள், இந்திய திரைப்படங்கள், பிரபல வெப் சீரிஸ் உள்ளிட்டவை இடம்பெற்றுள்ளன. அத்துடன், உலகின் நம்பர் ஒன் கிரிக்கெட் லீக் ஆக கருதப்படும் ஐபிஎல் கிரிக்கெட் தொடரை ஜியோ ஹாட்ஸ்டார் தளம் நேரலையாக வழங்கி வருகிறது.

இந்நிலையில் ஜியோ ஹாட்ஸ்டார் வெளியிட்டுள்ள அறிக்கையில், “10 கோடி கட்டண சந்தாதாரர்கள் ஜியோ ஹாட்ஸ்டாருக்கு உள்ளனர். இது இந்தியாவில் டிஜிட்டல் புரட்சி எந்த அளவுக்கு உள்ளது என்பதையும் தரமான கண்ட்டென்ட்களுக்கு ரசிகர்கள் மத்தியில், பார்வையாளர்கள் மத்தியில் எப்போதும் வரவேற்பு இருக்கும் என்பதையும் உணர்த்துகிறது” என்று கூறப்பட்டுள்ளது.

இதுகுறித்து ஜியோ ஹாட்ஸ்டார் தலைமை செயல் அதிகாரி கிரண்மணி கூறுகையில், “நாங்கள் எப்போதும் உலக தரமான பொழுதுபோக்கு அம்சங்கள் அனைவருக்கும் கிடைக்க வேண்டுமென்பதில் கவனம் செலுத்துகிறோம். எங்களுடைய தொலைநோக்கு திட்டத்திற்கு கிடைத்த வெற்றியாக இந்த 10 கோடி சந்தாதாரர்கள் வந்திருப்பதை பார்க்கிறோம்” என்று கூறியுள்ளார்.

இதையும் படிங்க – IPL 2025 : முதல் வெற்றியை பெறுமா லக்னோ அணி? சன்ரைசர்ஸ் ஐதராபாத்துடன் இன்று மோதல்

ஜியோ சிம்கார்டுகளை பயன்படுத்துவோர் குறைந்த பட்சம் ரூ. 299-க்கு அதிகமாக மார்ச் 17 முதல் மார்ச் 31 ஆம் தேதிக்குள் ரீசார்ஜ் செய்தால் அவர்களுக்கு 90 நாட்களுக்கு கட்டணம் இன்றி ஜியோ ஹாட்ஸ்டார் சேவை வழங்கப்படுகிறது.