பிப்ரவரி முதல் இந்திய ரிசர்வ் வங்கியால் ஒட்டுமொத்தமாக 100 அடிப்படைப் புள்ளி (1%) ரெப்போ விகிதத்தைக் குறைத்ததைத் தொடர்ந்து, பெரும்பாலான முக்கிய வங்கிகள் நிலையான வைப்புத்தொகை (FD) மற்றும் சேமிப்புக் கணக்குகளுக்கான வட்டி விகிதங்களைக் குறைத்திருந்தன.
ஜூன் 30, 2025 நிலவரப்படி, பொது வருங்கால வைப்பு நிதி (PPF), தேசிய சேமிப்புச் சான்றிதழ் (NSC) மற்றும் மூத்த குடிமக்கள் சேமிப்புத் திட்டம் (SCSS) போன்ற திட்டங்களின் விகிதங்கள் மாறாமல் உள்ளன. மேலும் அவை 2025–26 நிதியாண்டின் செப்டம்பர் காலாண்டிற்குப் பொருந்தும்.
இந்தச் சூழலில், FD முதலீடுகளைக் கருத்தில் கொள்பவர்கள், அரசு சிறு சேமிப்புத் திட்டங்களால் வழங்கப்படும் வட்டி விகிதங்களை, பாரத ஸ்டேட் வங்கி (SBI), HDFC வங்கி, ICICI வங்கி மற்றும் பஞ்சாப் நேஷனல் வங்கி (PNB) போன்ற வங்கிகளின் வட்டி விகிதங்களுடன் ஒப்பிட்டுப் பார்க்க அறிவுறுத்தப்படுகிறார்கள்.
ஏனெனில், அரசால் ஆதரிக்கப்படும் இந்தத் திட்டங்கள் பல தற்போது மிகவும் நல்ல வருமானத்தை வழங்குகின்றன.
நீங்கள் 5 வருட குறுகிய காலத்திற்கு முதலீடு செய்ய விரும்பினால், பின்வரும் அரசு திட்டங்கள் நல்ல வருமானத்தை வழங்குகின்றன:
அஞ்சலக வைப்புத்தொகை (POTD): 5 ஆண்டு காலம்: அனைத்து முதலீட்டாளர்களுக்கும் 7.5% வட்டி வழங்குகிறது
தேசிய சேமிப்புச் சான்றிதழ் (NSC): 5 வருட காலம்: 7.7% வட்டி வழங்கப்படுகிறது
மூத்த குடிமக்கள் சேமிப்புத் திட்டம் (SCSS): மூத்த குடிமக்களுக்கு மட்டுமே 8.2% வழங்குகிறது.
பொறுப்பு துறப்பு : பொதுவான தகவல்கள் இங்கே வழங்கப்பட்டாலும் முதலீடு செய்வதற்கு முன்பாக சம்பந்தப்பட்ட நிபுணர்களை ஆலோசிப்பது அவசியம்.
July 14, 2025 8:35 PM IST
Investment : வங்கி சேமிப்பு மட்டுமல்ல.. இந்த முதலீட்டு திட்டங்களும் உங்களுக்கு சிறந்த வருமானத்தை தரும்..
