இந்திய கிரிக்கெட் அணி ஆஸ்திரேலியாவில் சுற்றுப் பயணம் மேற்கொண்டு 3 போட்டிகள் கொண்ட ஒருநாள் கிரிக்கெட் தொடரிலும், 5 போட்டிகளைக் கொண்ட டி20 கிரிக்கெட் தொடரிலும் விளையாடுகிறது.
ஒருநாள் கிரிக்கெட் போட்டிகள் அக்டோபர் 19, 23 மற்றும் 25 ஆகிய தேதிகளிலும், டி20 கிரிக்கெட் தொடர் அக்டோபர் 29, 31, நவம்பர் 2, 6 மற்றும் 8 ஆகிய தேதிகளிலும் நடைபெறவுள்ளது. இந்த தொடருக்கான இந்திய அணி இன்று அறிவிக்கப்படும் என ஏற்கனவே தகவல்கள் பரவியிருந்தன.
இந்த நிலையில் தற்போது பிசிசிஐ ஆஸ்திரேலிய தொடருக்கான ஒருநாள் மற்றும் டி20 அணிகளை அறிவித்துள்ளது. ரோஹித் சர்மா, விராட் கோலி உள்ளிட்டோரைக் கொண்ட ஒருநாள் போட்டித் தொடருக்கான அணியின் கேப்டனாக சுப்மன் கில் அறிவிக்கப்பட்டுள்ளார். இதேபோன்று டி20 அணியின் கேப்டனாக சூர்யகுமார் யாதவ் நியமிக்கப்பட்டுள்ளார்.
சுப்மன் கில் (கேப்டன்), ரோஹித் சர்மா, விராட் கோலி, ஷ்ரேயாஸ் ஐயர் (துணை கேப்டன்), அக்சர் படேல், நிதிஷ் குமார் ரெட்டி, வாஷிங்டன் சுந்தர், குல்தீப் யாதவ், ஹர்ஷித் ரானா, முகமது சிராஜ், அர்ஷ்தீப் சிங், பிரசித் கிரஷ்ணா, துருவ் ஜுரெல் (விக்கெட் கீப்பர்), யஷஸ்வி ஜெய்ஸ்வால்.
சூர்யகுமார் யாதவ் (கேப்டன்), அபிஷேக் சர்மா, சுப்மன் கில் (துணை கேப்டன்), திலக் வர்மா, நிதிஷ் குமார் ரெட்டி, சிவம் துபே, அக்சர் படேல், ஜிதேஷ் சர்மா (விக்கெட் கீப்பர்), வருண் சக்ரவர்த்தி, ஜஸ்பிரித் பும்ரா, அர்ஷ்தீப் சிங், குல்தீப் யாதவ், ஹர்ஷித் ரானா, சஞ்சு சாம்சன் (விக்கெட் கீப்பர்), ரின்கு சிங், வாஷிங்டன் சுந்தர்.
October 04, 2025 3:15 PM IST
