Last Updated:
Income Tax Bill : பழைய வருமான வரி சட்டம் கடந்த 60 ஆண்டுகளாக நடைமுறையில் இருந்து வருகிறது. இந்த சூழலில் பழைய சட்டத்துக்கு மாற்றாக புதிய வருமான வரி சட்ட மசோதா நடப்பு கூட்டத் தொடரில் அறிமுகமாக இருக்கிறது.
12 லட்சம் ரூபாய் வரை ஆண்டு வருமானம் இருந்தாலும் வரி கட்ட தேவையில்லை என்ற அடிப்படையில் உருவாக்கப்பட்டுள்ள புதிய வருமான வரி சட்ட மசோதாவுக்கு மத்திய அமைச்சரவை ஒப்புதல் அளித்துள்ளது.
பழைய வருமான வரி சட்டம் கடந்த 60 ஆண்டுகளாக நடைமுறையில் இருந்து வருகிறது.
இந்த சூழலில் பழைய சட்டத்துக்கு மாற்றாக புதிய வருமான வரி சட்ட மசோதா நடப்பு கூட்டத் தொடரில் அறிமுகமாக இருக்கிறது.
புதிதாக அறிமுகமாக இருக்கும் சட்ட மசோதாவுக்கு பிரதமர் மோடி தலைமையிலான அமைச்சரவை நேற்று ஒப்புதல் அளித்தது. புதிய வருமான வரி சட்டப்படி மாதம் 1 லட்சம் வருமானம் என ஆண்டுக்கு 12 லட்சம் ரூபாய் வரை வருமானம் ஈட்டுவோருக்கு வரி கிடையாது.
மேலும் நிலையான கழிவு 75 ஆயிரத்துடன் சேர்த்து 12 லட்சத்து 75 ஆயிரம் வரை வரி இருக்காது. இந்த மாற்றங்கள் புதிய வருமான வரி பிரிவில் உள்ளவர்களுக்கே அறிவிக்கப்பட்டு உள்ளது.
புதிய மசோதா, நேரடி வரி சட்டத்தை புரிந்துகொள்ள எளிதாக்கும். வரிச்சுமையை குறைப்பதுடன், விதிகள் எளிமையான வாக்கியங்களில் இருக்கும்.
புதிய வருமான வரி மசோதா அடுத்த வாரம் நடாளுமன்றத்தில் அறிமுகப்படுத்தப்பட்டு நிதித்துறைக்கான நாடாளுமன்ற நிலைக்குழுவிற்கு அனுப்பப்படும். இது மட்டுமின்றி, இந்திய தேசிய திறன் மேம்பாட்டு (Skill india) திட்டத்துக்கு 8 ஆயிரத்து 800 கோடி ரூபாய் நிதி ஒதுக்கவும், மத்திய அமைச்சரவை ஒப்புதல் அளித்துள்ளது.
February 08, 2025 9:51 AM IST
