Last Updated:
இந்தியாவின் மிகப்பெரிய கடன் வழங்குனரான ஸ்டேட் பேங்க் ஆஃப் இந்தியா (SBI) IMPS (Immediate Payment Service – இம்மிடியெட் பேமெண்ட் சர்வீஸ்) மூலமாக செய்யப்படும் பணப்பரிமாற்றங்களுக்கான கட்டணங்களை மாற்றி அமைத்துள்ளது.
ஸ்டேட் பேங்க் ஆஃப் இந்தியா வங்கி கிளைகள் தவிர ஆன்லைன் சேனல்கள் மூலமாக செய்யும் IMPS டிரான்ஸ்ஃபர்களுக்கு ஆகஸ்ட் 15ஆம் தேதியில் இருந்து (இன்று) கூடுதல் கட்டணங்கள் வசூலிக்கப்படும் என்ற அறிவிப்பை வங்கி வெளியிட்டுள்ளது. எந்தெந்த தொகைக்கு எவ்வளவு சேவை கட்டணம் வசூலிக்கப்படும் என்பது பற்றிய விளக்கமான தகவல்களை இந்தப் பதிவில் பார்க்கலாம்.
இந்தியாவின் மிகப்பெரிய கடன் வழங்குனரான ஸ்டேட் பேங்க் ஆஃப் இந்தியா (SBI) IMPS (Immediate Payment Service – இம்மிடியெட் பேமெண்ட் சர்வீஸ்) மூலமாக செய்யப்படும் பணப்பரிமாற்றங்களுக்கான கட்டணங்களை மாற்றி அமைத்துள்ளது. இந்த புதிய கட்டணங்கள் இன்று முதல் அமல்படுத்தப்படும் என்று கூறப்பட்டுள்ளது.
ஸ்டேட் பேங்க் ஆஃப் இந்தியா வங்கி கிளைகள் மூலமாக IMPSஇல் செய்யப்படும் பண பரிமாற்றங்களுக்கு வசூலிக்கப்படும் கட்டணங்களில் எந்த ஒரு மாற்றமும் ஏற்படுத்தப்படவில்லை என்றாலும், 25,000 ரூபாய்க்கு மேல் ஆன்லைனில் நீங்கள் செய்யும் IMPS ஃபண்டு டிரான்ஸ்ஃபர்களுக்கு ஆகஸ்ட் 15ஆம் தேதி முதல் கூடுதல் கட்டணங்கள் வசூலிக்கப்பட உள்ளது என்ற தகவலை ஸ்டேட் பேங்க் ஆஃப் இந்தியா அதன் வெப்சைட்டில் பதிவு செய்துள்ளது.
ஆன்லைன் சேனல்கள் மூலமாக 25,000 ரூபாய்க்கும் அதிகமான டிரான்சாக்ஷன் செய்வதற்கு இனி 2 முதல் 10 ரூபாய் என்ற பெயரளவு கட்டணங்கள் மற்றும் அதோடு சரக்கு மற்றும் சேவை வரியான (GST) செலுத்த வேண்டும்.
இதில் ஹேப்பி நியூஸ் என்னவென்றால், சேலரி பேக்கேஜ் அக்கவுண்ட் வைத்திருக்கும் நபர்கள் தொடர்ந்து ஆன்லைன் மூலமாக செய்யும் IMPS டிரான்ஸ்ஃபர்களுக்கு எந்தவித கட்டணங்களையும் செலுத்த தேவையில்லை. இதுவே, கார்ப்பரேட் கஸ்டமர்களுக்கு செப்டம்பர் 8, 2025 முதல் இந்த புதிய சேவை கட்டணங்கள் அமல்படுத்தப்படும் என்று ஸ்டேட் பேங்க் ஆஃப் இந்தியா கூறியுள்ளது.
August 15, 2025 9:25 AM IST
