HDFC கிரெடிட் கார்டு அக்கவுன்ட்டை மூடுற ஐடியா இருக்கா…? இந்தப் பதிவு உங்களுக்குத்தான்…!

ஆன்லைன் முறை

• முதலில் HDFC வங்கி அதிகாரப்பூர்வ வெப்சைட்டில் லாகின் செய்யவும்.
• ஃபார்ம்ஸ் சென்டர் பிரிவில் உள்ள கிரெடிட் ‘கார்டு கிளோசர் படிவத்தை’ டவுன்லோடு செய்யவும்.
• உங்களுடைய பெயர், கிரெடிட் கார்டு நம்பர் மற்றும் தொடர்பு விவரம் ஆகியவற்றைப் படிவத்தில் நிரப்பவும்.
• HDFC வங்கியின் கஸ்டமர்கேர் இமெயில் ஐடிக்கு பூர்த்தி செய்யப்பட்ட படிவத்தை சமர்ப்பிக்கவும்.

எழுத்துப்பூர்வமான கோரிக்கை

• உங்களுடைய பெயர், கார்டு நம்பர் மற்றும் கேன்சல் செய்வதற்கான காரணம் ஆகியவற்றை குறிப்பிட்டு ஒரு கடிதத்தை எழுதவும்.
• இந்த கடிதத்துடன் உங்களுடைய கிரெடிட் கார்டு விவரங்கள் மற்றும் ஐடி கார்டின் ஒரு நகலை இணைக்கவும்.
• பின்வரும் முகவரிக்கு இந்த டாக்குமென்ட்களையும், கடிதத்தையும் நீங்கள் அனுப்பி வைக்கலாம். தபால் எண்: 8,654, திருவான்மியூர், சென்னை- 600041

வங்கி கிளையை நேரடியாக அணுகுதல்

• உங்கள் வீட்டின் அருகில் உள்ள HDFC வங்கிக் கிளைக்கு செல்லுங்கள்.
• இங்கு நீங்கள் கிரெடிட் கார்டு கிளோசர் படிவத்தை பூர்த்தி செய்து, அதனுடன் செல்லுபடி ஆகக்கூடிய ஒரு அடையாள சான்றிதழை வழங்க வேண்டும்.
• வங்கி ஊழியர்கள் உங்களுடைய டாக்குமென்ட்களை சரிபார்த்து கோரிக்கையை பிராசஸ் செய்வார்கள்.

வாடிக்கையாளர் சேவை மையம்

• HDFC வங்கி கிரெடிட் கார்டு கஸ்டமர் கேர் ஹெல்ப்லைன் நம்பருக்கு போன் செய்யுங்கள்.
• உங்களுடைய கிரெடிட் கார்டு விவரங்கள் மற்றும் தனிநபர் சரிபார்ப்பு விபரங்களை வழங்கவும்.
• உங்களுடைய கிரெடிட் கார்டை கேன்சல் செய்ய விரும்புகிறீர்கள் என்பதை கூறுங்கள்.
• அடுத்து என்ன செய்ய வேண்டும் என்பதை வாடிக்கையாளர் சேவை அதிகாரி உங்களுக்கு கூறுவார்.

இதையும் படிக்க: PPF: பொது வருங்கால வைப்பு நிதியிலிருந்து மாதம் ரூ.1,06,828 வரி இல்லாத வருமானத்தைப் பெறுவது எப்படி?

வெர்சுவல் பாட் EVA

• நீங்கள் HDFC வங்கியின் வெர்ச்சுவல் அசிஸ்டன்ட் பயன்படுத்தி ‘Credit card closure’ என்று டைப் செய்ய வேண்டும்.
• பிறகு உங்களுடைய பதிவு செய்யப்பட்ட மொபைல் நம்பரை கொடுக்கவும்.
• உங்கள் பதிவு செய்யப்பட்ட மொபைல் நம்பருக்கு அனுப்பி வைக்கப்பட்டுள்ள OTP-ஐ என்டர் செய்யுங்கள்.
• பின்னர் கிரெடிட் கார்டின் கடைசி நான்கு இலக்கங்களை என்டர் செய்யவும்.
• எதற்காக கிரெடிட் கார்டை மூட நினைக்கிறீர்கள் என்ற காரணத்தை தேர்வு செய்யவும்.
• இதன் பிறகு உங்களுடைய கிரெடிட் கார்டை மூடுவதற்கான கோரிக்கையை வெற்றிகரமாக நிறைவு செய்திருப்பீர்கள்.

HDFC கிரெடிட் கார்டை மூடுவதற்கு முன்பு நீங்கள் மனதில் வைத்துக் கொள்ள வேண்டிய விஷயங்கள்

• நிலுவையில் உள்ள மாத தவணைகள், வட்டி மற்றும் கட்டணங்களை சரியாக பூர்த்தி செய்துவிடவும். அக்கவுண்ட் பேலன்ஸ் பூஜ்ஜியத்தை விட அதிகமாக இருந்தால் உங்களுடைய கோரிக்கை நிறைவு செய்யப்படாது.
• கார்டை நீங்கள் கேன்சல் செய்துவிட்டால் ரிவார்டு பாயிண்டுகள் காலாவதி ஆகிவிடும். எனவே அவற்றை பயன்படுத்திக் கொள்ளுங்கள்.

இதையும் படிக்க: டிஜிட்டல் மோசடிகள்… அனைவரும் கட்டாயம் தெரிந்துகொள்ள வேண்டியவை இவைதான்…!

• ஆட்டோமேட்டிக் பில் பேமென்ட்கள் அல்லது சப்ஸ்கிரிப்ஷன் போன்றவற்றை கிரெடிட் கார்டுடன் இணைத்து இருந்தால் அவற்றை அகற்றி விடவும்.
• ஒருவேளை நீங்கள் வேறு ஒரு கார்டு வாங்குவதற்கு தயாராக இருந்தால் இந்த மூடுதல் செயல்முறை ஆரம்பிப்பதற்கு முன்பு புதிய கார்டுக்கு விண்ணப்பிக்கவும்.