2025-ம் ஆண்டு தாறுமாறாக எகிறிக் கொண்டிருந்த தங்க விலை, கடந்த சில நாள்களாகப் பம்முகிறது. அதுவும் குறிப்பாக, இந்த மாதத் தொடக்கத்தில் இருந்து, தங்க விலை சிறிய ஏற்றங்கள், அதன் பின் தொடர் சரிவுகள் என ரிப்பீட் மோடில் இருந்து வருகிறது.
ஏன் இந்த இறங்குமுகத்திற்குக் காரணம் என்று பார்த்தால்…
இந்த மாதம் (பிப்ரவரி) தொடங்கியதில் இருந்து உலக அளவில் எந்தப் பெரிய அரசியல் மற்றும் பொருளாதார மாற்றங்களும் நடக்கவில்லை.
உலகளவில் மிக முக்கிய பிரச்னைகளாகப் பேசப்பட்டு வந்த ரஷ்யா – உக்ரைன் போர், அமெரிக்கா – ஈரான் பிரச்னை என இரண்டும் இப்போது பேச்சுவார்த்தையில் இருந்து வருகின்றன.
அதனால், இன்னும் சரியுமா என்று கேட்டால், அதற்கான பதில் Opening Bell Show-ல் பங்குச்சந்தை நிபுணர் ரெஜி தாமஸ் தந்ததுதான். அதாவது, கடும் ஏற்றங்களைச் சந்தித்த தங்கம், இப்போது ‘கரெக்ஷன்’ ஆகி வருகிறது.
ஒருவேளை, தங்க விலை சர்வதேச சந்தையில் ஒரு அவுன்ஸிற்கு 4,400 – 4,500 டாலர்களைத் தொட்டால்தான், அது சரிவைச் சந்திக்கும் என்று கூறியிருந்தார்.
ஏறும்… ஆனா ஏறாது
‘அப்போ… இப்போ சர்வதேச சந்தையில் விலை என்ன?’ என்ற உங்கள் மைண்ட் வாய்ஸிற்கான பதில் – சமீப நாள்களாக, தங்கம் விலை சர்வதேச சந்தையில் ஒரு அவுன்ஸிற்கு 4,900 – 5,000 டாலர்களுக்குள் வர்த்தகம் ஆகி வருகிறது. இந்த ரேஞ்சுக்குள்ளேயே தொடர்ந்து வருகிறது.
அதனால், இப்போதைக்குப் பயப்பட வேண்டாம்.
‘தங்கம் விலை இனி ஏறாதா?’ என்று கேட்டால், ‘ஏறும்… ஆனா, ஏறாது’ என்றுதான் சொல்ல வேண்டும்.
காரணம், 2025-ம் ஆண்டு தங்க விலை பெரும் ஏற்றத்தைச் சந்தித்ததற்கு முக்கிய காரணங்களில் ஒன்று, அமெரிக்க ஃபெடரல் ரிசர்வ் வட்டி விகிதத்தைக் குறைத்தது.
அமெரிக்க ஃபெடரல் ரிசர்வ் வங்கியின் ஜனவரி மாத மீட்டிங் மினிட்ஸ் (மீட்டிங் குறித்த அறிக்கை) நேற்று வெளியானது. அதில் அடுத்து வட்டி விகிதக் குறைப்பு இல்லை என்று தெரிகிறது. இந்தக் காரணத்தினால் தங்கம் விலையில் ஏற்றம் இருக்காது.
இன்னொரு பக்கம், மேலே சொன்ன மாதிரி ரஷ்யா – உக்ரைன் போர், அமெரிக்கா – ஈரான் பிரச்னைப் பேச்சுவார்த்தை நடந்து வருகின்றனதான்.
ஆனால்…
சமீபத்தில் அமெரிக்கா – ஈரான் பேச்சுவார்த்தை நடந்தது. அது குறித்து அப்போது பாசிட்டிவாகச் சொன்னாலும், இப்போது அமெரிக்கா, ஈரான் மீது தாக்குதல் நடத்த வாய்ப்பு உள்ளது என்று கூறப்படுகிறது.
மேலும், நேற்று ஜெனீவாவில் அமெரிக்கா – ரஷ்யா – உக்ரைன் பேச்சுவார்த்தை நடந்துள்ளது. ஆனால், அதில் எதுவும் பாசிட்டிவான முடிவுகள் எட்டப்படவில்லை போலும். இதனால், ரஷ்யா – உக்ரைன் போர் தொடர்வதற்கான வாய்ப்புகள் அதிகம்.
அடுத்ததாக, சீனப் புத்தாண்டால், சீனாவின் சந்தை இப்போது விடுமுறையில் உள்ளது. இந்த விடுமுறை பிப்ரவரி 23 வரை இருக்கும். இது முடிந்து, சீனாவின் நகர்வுகள் என்னவாக இருக்கும்… சீனா, தங்கம் வாங்கிக் குவித்ததால்தான், தங்கம் விலை உயர்ந்தது. விடுமுறை முடிந்து அது என்ன செய்யும் என்பதைப் பார்க்க வேண்டும்.
ஆக, தங்க விலைக்கு அடுத்தடுத்து 3 செக்குகள் இருக்கின்றன. இவை அனைத்தும் பாசிட்டிவ் முடிவைக் கண்டால்தான், தங்க விலை ரேஞ்சிற்குள்ளேயே வர்த்தகம் ஆகும். இல்லையேல், மீண்டும் தங்க விலை ஒரு ஏற்றத்தைச் சந்திக்கலாம்.
தங்க விலை எப்போதும் சர்வதேச மாற்றங்களைக் கொண்டே மாறும் என்பதை எப்போதுமே நினைவில் கொள்ளுங்கள்.
Data in this section is not a buy/sell recommendation but only a compilation of information on various technical/volume-based parameters
Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exists no conflict of interest that can bias his views in this report. The Analyst does not hold any share(s) in the company/ies discussed.
INVESTMENT IN SECURITIES MARKET ARE SUBJECT TO MARKET RISKS. READ ALL THE RELATED DOCUMENTS CAREFULLY BEFORE INVESTING. Registration granted by SEBI and certification from NISM in no way guarantee the performance of the intermediary or provide any assurance of returns to investors. For a detailed disclaimer and disclosure please visit https://www.vikatan.com/business/share-market/113898-disclaimer-disclosures. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.
One year Price history of the daily closing price of the securities covered in this section is available at https://www.nseindia.com/report-detail/eq_security (Choose the respective symbol) /name of company/time duration)
