FD-யில் முதலீடு செய்யும் ஐடியா இருக்கா… எந்தெந்த வங்கி எவ்வளவு வட்டி தராங்கன்னு தெரிஞ்சுக்கோங்க!!!

வங்கிகள் மற்றும் NBFCகள் பல்வேறு கால அளவுகள் மற்றும் தொகைகள் கொண்ட ஃபிக்சட் டெபாசிட் ஆப்ஷன்களை வழங்குகின்றன. அந்த வகையில் முன்னணி அரசு மற்றும் தனியார் வங்கிகளான ஸ்டேட் பேங்க் ஆஃப் இந்தியா (SBI), பஞ்சாப் நேஷனல் பேங்க் (PNB), பேங்க் ஆஃப் பரோடா (BoB), இந்தியன் ஓவர்சீஸ் பேங்க், HDFC வங்கி, ICICI வங்கி மற்றும் ஆக்சிஸ் வங்கி போன்றவை ஃபிக்சட் டெபாசிட்களுக்கு வழங்கும் வட்டி விகிதங்கள் என்ன என்பதை பார்க்கலாம்.

ஆக்சிஸ் வங்கி

17 மாதங்கள் முதல் 18 மாதங்களுக்கும் குறைவான கால அளவு கொண்ட ஃபிக்சட் டெபாசிட் திட்டத்திற்கு ஆக்சிஸ் வங்கி 7.20 சதவீத வட்டியை வழங்குகிறது. இதுவே 1-வருட திட்டத்திற்கு 6.70%, 2-வருட திட்டத்திற்கு 7.10 சதவீதமும், 5-வருட ஃபிக்சட் டெபாசிட் திட்டத்திற்கு 7% வட்டியும் இந்த வங்கியில் கிடைக்கிறது.

HDFC வங்கி

இந்தியாவின் மிகப்பெரிய தனியார் வங்கியாக திகழும் HDFC வங்கியில் 18 மாதங்கள் முதல் 21 மாதங்களுக்கும் குறைவான கால அளவு கொண்ட ஃபிக்சட் டெபாசிட் திட்டத்திற்கு 7.25% வட்டி கிடைக்கிறது. ஒரு வருட திட்டத்திற்கு 6.60% வட்டியும், 3 வருடம் மற்றும் 5 வருட திட்டங்களுக்கு 7 சதவீத வட்டியும் கிடைக்கிறது.

ICICI வங்கி

இந்த வங்கியில் 15 மாதங்கள் முதல் 2 வருடங்கள் வரையிலான FD திட்டத்திற்கு 7.20% வட்டி கிடைக்கிறது. இதுவே 1- வருட திட்டத்திற்கு 6.70% வட்டியும், 3-வருடம் மற்றும் 5-வருட திட்டத்திற்கு 7 சதவீத வட்டியும் கிடைக்கிறது.

பேங்க் ஆஃப் பரோடா

BoB 2 வருடங்கள் முதல் 3 வருடங்கள் வரையிலான ஃபிக்சட் டெபாசிட் திட்டங்களுக்கு 7.25% வட்டி வழங்குகிறது. ஒரு வருட திட்டத்திற்கு 6.85 சதவீதமும், 3-வருடம் மற்றும் 5-வருட ஃபிக்சட் டெபாசிட் திட்டத்திற்கு 7.25% மற்றும் 6.50 சதவீதம் முறையே வழங்கப்படுகிறது.

பஞ்சாப் நேஷனல் வங்கி

PNB அதன் 400 நாள் ஃபிக்சட் டெபாசிட் திட்டத்திற்கு 7.25% வட்டியை வழங்குகிறது. 1-வருட ஃபிக்சட் டெபாசிட் திட்டத்திற்கு 6.75% வட்டியும், 3-வருடம் மற்றும் 5-வருட திட்டத்திற்கு 7 சதவீதம் மற்றும் 6.50 சதவீத வட்டியும் வழங்குகிறது.

ஸ்டேட் பேங்க் ஆஃப் இந்தியா

SBI அதன் 400- நாள் அமரித் காலாஷ் திட்டத்தில் 7.10 சதவீத வட்டியை வழங்குகிறது. 1-வருட ஃபிக்சட் டெபாசிட் திட்டத்திற்கு 6.80 சதவீதமும், 3-வருட மற்றும் 5-வருட ஃபிக்சட் டெபாசிட் திட்டங்களுக்கு 6.75 சதவீதம் மற்றும் 6.50 சதவீத வட்டி கிடைக்கிறது.

இந்தியன் ஓவர்சீஸ் வங்கி

இந்த வங்கி அதன் 444-நாள் திட்டத்திற்கு 7.30 சதவீத அதிக வட்டி விகிதத்தை வழங்குகிறது. இதுவே அதன் ஒரு வருட திட்டத்திற்கு 6.90%, 3-வருடம் மற்றும் 5-வருட திட்டத்திற்கு 6.50 சதவீத வட்டியையும் தருகிறது.

.