சீனாவைச் சேர்ந்த வான் பேகன் என்பவர் 2022-ம் ஆண்டின் பிற்பகுதியில் ஒரு நிறுவனத்தைத் தொடங்கியிருக்கிறார். அந்த நிறுவனத்தின் மூலம் சமூக வலைதளங்களில், பார்வையாளர்களின் எண்ணிக்கையை அதிகப்படுத்தி, பார்வையாளர்களைத் தவறாக வழிநடத்துவதற்கும், லைவ் ஸ்ட்ரீமிங்கில் பார்வையாளர் எண்ணிக்கை, லைக், கமென்ட்டுகள் போன்றவற்றைப் போலியாகப் பதிவிடுவதற்கும் ஏற்பாடுகளைச் செய்திருக்கிறார். இந்த தொழிலுக்காக 4,600 மொபைல் போன்களை ஒரே நேரத்தில் இயக்க, ஒரு மென்பொருளை உருவாக்கி, வி.பி.என் மூலம் பயன்படுத்தியிருக்கிறார்.
இதில், ஒரு செல்போன் மூலம் பார்வையாளர்களின் எண்ணிக்கையை அதிகரிக்க 1 டாலர் பெற்றிருக்கிறார். இப்படி, இந்த தொழிலின் மூலம் கடந்த 4 மாதங்களில் ரூ.3.4 கோடி சம்பாதித்திருக்கிறார். இது தொடர்பாகக் காவல்துறையில் புகார் அளிக்கப்பட்டிருக்கிறது. அதைத் தொடர்ந்து நடத்தப்பட்ட விசாரணைக்குப் பிறகு, சட்டவிரோத வணிக நடவடிக்கைகளின் குற்றத்திற்காக, நீதிமன்றம், வான் பேகனுக்கு 15 மாதங்கள் சிறைத் தண்டனையும், 7,000 டாலர் அபராதமும் விதித்திருக்கிறது.
