Last Updated:
70ஆம் ஆண்டு யூரோவிஷன் விருதை தட்டிச் சென்றார் பல்கேரிய பாடகி DARA.
ஆஸ்திரியாவின் வியன்னா நகரத்தில் நடப்பாண்டுக்கான யூரோவிஷன் போட்டி நடைபெற்றது. இதில் டென்மார்க், ஜெர்மனி, இஸ்ரேல், பெல்ஜியம், பல்கேரியா, ஆஸ்திரேலியா, இஸ்ரேல் உள்ளிட்ட 25 நாடுகளை சேர்ந்த இசை கலைஞர்கள் பங்கேற்று தங்கள் திறமையை வெளிப்படுத்தினர்.
யூரோவிஷன் இந்தப் போட்டி (Eurovision Song Contest) ஐரோப்பிய ஒலிபரப்பு ஒன்றியத்தால் (EBU) ஆண்டுதோறும் நடத்தப்படும் உலகின் மிகப்பெரிய சர்வதேச நேரடி இசைப் போட்டியாகும். 1956 ஆம் ஆண்டு தொடங்கப்பட்ட இப்போட்டி, தொலைக்காட்சியில் மிக நீண்ட காலமாக ஒளிபரப்பப்படும் உலகளாவிய நிகழ்ச்சிகளில் ஒன்றாகும்.
இந்த ஆண்டு இப்போட்டியில் பல்கேரியாவை சேர்ந்த DARA, யூரோ விஷன் விருதினை தட்டிச் சென்றார். அவர் இந்தப் போட்டியில் தனது “பங்காரங்கா” பாடலை பாடி அனைவரையும் அசத்தினார். டாரா குழுவின் நடனமும் அனைவரையும் கவர்ந்தது. இந்த போட்டியில் நோவம் பேட்டன் என்ற இஸ்ரேலிய பாடகர் இரண்டாவது இடத்தை பிடித்தார்.
இப்போட்டியில் பங்கேற்கும் பாடல்கள் முற்றிலும் புதியதாக இருக்க வேண்டும் என்பது விதியாக இருக்கிறது. மேலும் பாடலின் கால அளவு 3 நிமிடங்களுக்கு மிகாமல் இருக்க வேண்டும். அதேபோல மேடையில் கலைஞர்கள் கண்டிப்பாக நேரலையாகவே பாட வேண்டும். உதட்டு ஒத்திசைவு (Lip-sync) அல்லது ஆட்டோ-டியூன் (Auto-tune) தொழில்நுட்பங்களுக்கு அனுமதி இல்லை. இந்த விதிகளுக்கு உட்பட்டு பாடிய டாரா குழுவினர், பரிசை தட்டிச்சென்றுள்ளனர்.
Click here to add News18 as your preferred news source on Google. May 18, 2026 10:14 AM IST
