EMI ஆப்ஷனில் பொருட்களை வாங்கும் முன்பு மனதில் வைத்துக் கொள்ள வேண்டிய முக்கியமான விஷயங்கள்!

விலை அதிகமாக உள்ள பொருட்களை கஸ்டமர்கள் அனைவருக்கும் கிடைக்கும் வகையில் அதற்கான செலவை குறிப்பிட்ட நேரத்திற்கு நீட்டிப்பதன் மூலமாக EMI அல்லது ஈகுவேட்டட் மன்த்லி இன்ஸ்டால்மென்ட் செயல்படுகிறது.

எலக்ட்ரானிக்ஸ், ஃபர்னிச்சர் மற்றும் வாகனங்கள் போன்ற விலை உயர்ந்த பொருட்களுக்கான தொகையை ஒரே நேரத்தில் ஒட்டுமொத்தமாக செலுத்தாமல், மாதா மாதம் குறிப்பிட்ட தொகையை செலுத்தி வாங்கிக் கொள்ளும் வசதியே EMI. EMI ஆப்ஷன்கள் பல்வேறு ரீடைல் கடைகள், ஆன்லைன் பிளாட்ஃபார்ம்கள் மற்றும் நிதி நிறுவனங்களில் கிடைக்கிறது.

ஷாப்பிங் செய்வதை EMI எளிதாக்குகிறது என்றாலும் கூட EMI இல் பொருட்களை வாங்கும் பொழுது நீங்கள் கருத்தில் கொள்ள வேண்டிய முக்கியமான விஷயங்கள் பல உள்ளன. எந்தவிதமான பொருளாதார சிக்கல்களையும் தவிர்ப்பதற்கு EMI மூலமாக ஷாப்பிங் செய்யும் பொழுது நீங்கள் தவிர்க்க வேண்டிய தவறுகள் என்னென்ன என்பதை இப்பொழுது பார்க்கலாம்.

EMI தொகையை உங்களால் வழக்கமான முறையில் செலுத்த முடியுமா என்பதை தெரிந்து கொள்வதற்கு உங்களுடைய பொருளாதார நிலைப்பாட்டையும், திறனையும் நீங்கள் அளவிட வேண்டும். EMI பேமெண்ட்களை நீங்கள் சரியான நேரத்தில் செலுத்தாவிட்டால் அது உங்களுடைய கிரெடிட் ஸ்கோரை பாதித்து மேலும் அபராதங்களை விளைவிக்கலாம். உங்களுடைய வழக்கமான செலவுகளை சமாளிக்கும் அதே நேரத்தில் EMI தொகையை உங்களால் செலுத்தும் வகையில் உங்களிடம் வருமானம் இருக்க வேண்டும். மேலும் EMI எடுக்கும் பொழுது பல்வேறு லெண்டர்கள் வழங்கும் வட்டி விகிதங்கள் மற்றும் விதிகள் போன்றவற்றை ஒப்பிட்டு பார்த்து முடிவு எடுங்கள்.

EMI என்பது ஒரு பொருளின் விலையை குறிப்பிட்ட காலத்திற்கு நீட்டிக்கிறதே தவிர அதனை நீங்கள் வட்டியுடன் திருப்பி செலுத்த வேண்டும் என்பதை மனதில் வைத்துக் கொள்ளுங்கள். ஒரு பொருளுக்கான உரிமையை பெறுவதற்கு அந்த பொருளின் விலை மற்றும் அதற்கான வட்டி ஆகிய செலவுகளை நீங்கள் ஏற்க வேண்டும்.

EMI ஆப்ஷனுடன் தொடர்புடைய வட்டி விகிதங்களை நன்கு புரிந்து கொள்ளுங்கள். இந்தியாவில் EMI ஆப்ஷன்கள் பெரும்பாலும் வட்டி விகிதங்களுடன் வருகிறது. இந்த வட்டியானது ப்ராடக்ட், EMI கால அளவு மற்றும் உங்களுடைய கிரெடிட் ஸ்கோர் போன்றவற்றின் அடிப்படையில் அமைகிறது. சிறிய தொகையிலான பொருட்களை EMI ஆப்ஷனில் வாங்குவது புத்திசாலித்தனமான யோசனையாக இருக்காது.

QR code பயன்படுத்தி இனி ATM-ல் இருந்து பணம் எடுக்கலாம்..!
மேலும் செய்திகள்…