Last Updated:
Egg Price: நாமக்கல்லில் கடந்த சில நாட்களாக முட்டை விலை தொடர்ந்து சரிவடைந்து வந்த நிலையில் தற்போது 5 காசுகள் உயர்ந்துள்ளது.
நாமக்கல், சேலம், ஈரோடு, பெருந்துறை, கோவை உள்ளிட்ட நாமக்கல் மண்டலத்தில் 1,300 கோழிப்பண்ணைகளில் 7.50 கோடி முட்டையிடும் கோழிகள் உள்ளன. இவற்றின் மூலம் தினசரி 6.50 கோடி முட்டைகள் உற்பத்தி செய்யப்படுகின்றன.
இங்கு உற்பத்தியாகும் முட்டைகளுக்கான விலையை நாமக்கல்லில் உள்ள தேசிய முட்டை ஒருங்கிணைப்புக் குழு நாள்தோறும் நிர்ணயம் செய்து வருகின்றது. தமிழக அரசின் சத்துணவுத் திட்டத்திற்கும், வெளிநாட்டிற்கு ஏற்றுமதிக்கும் போக, மீதமுள்ள முட்டைகள், கேரளா உள்ளிட்ட வெளி மாநிலங்களுக்கும், தமிழகத்தின் பல்வேறு மாவட்டங்களுக்கும் விற்பனைக்காகத் தினசரி லாரிகளில் அனுப்பி வைக்கப்படுகின்றன.
நாமக்கல்லில் கடந்த சில நாட்களாக முட்டை விலை தொடர்ந்து சரிவடைந்து வந்தது. இந்நிலையில் முட்டைக்கான கொள்முதல் விலையை 5 காசுகள் உயர்த்தி தேசிய முட்டை ஒருங்கிணைப்புக்குழு அறிவித்துள்ளது.
நாமக்கல் மண்டலத்தில் முட்டையின் கொள்முதல் விலை ரூ.4.20 ஆக இருந்த நிலையில் இன்று ஒரே நாளில் 05 காசுகள் உயர்த்தி ரூ.4.25 ஆக முட்டை விலை நிர்ணயம் செய்து தேசிய முட்டை ஒருங்கிணைப்புக் குழு அறிவித்துள்ளது.
Namakkal,Tamil Nadu
July 31, 2025 11:51 AM IST
