Delhi Red Fort Blast | “புல்வாமா… பஹல்காம்.. இந்தியர்கள் எவ்வளவு காலம் பயத்தின் நிழலில் வாழ்வார்கள்?” – தேஜஸ்வி யாதவ் | இந்தியா

டெல்லி செங்கோட்டை மெட்ரோ ரயில் நிலையம் கேட் 1 அருகே நடந்த கார் வெடிகுண்டு விபத்தில் இதுவரை 13 பேர் பரிதாபமாக பலியாகியுள்ளனர். 20க்கும் மேற்பட்டோர் காயமடைந்துள்ளனர். நியூஸ்18க்கு கிடைத்த தகவலின்படி இந்த கார் வெடிகுண்டு விபத்து தீவிரவாத தாக்குதல் எனச் சொல்லப்படுகிறது.

இந்தச் சம்பவம் நடந்ததும், மத்திய உள்துறை அமைச்சரை தொடர்பு கொண்டு பிரதமர் நரேந்திர மோடி பேசினார். அதனையடுத்து, செய்தியாளர்களைச் சந்தித்த அமைச்சர் அமித்ஷா, மாலை 7 மணிக்கு ஹுண்டாய் ஐ-20 கார் வெடித்து இந்தச் சம்பவம் நடந்தது என்றும் அடுத்தடுத்து எடுக்கப்பட்ட நடவடிக்கைகள் குறித்தும் விளக்கம் அளித்தார். அதனைத் தொடர்ந்து நேரடியாக காயமடைந்து மருத்துவமனையில் சிகிச்சை பெற்றுவருபவர்களைச் சந்தித்தார். அதன்பின் சம்பவ இடத்திற்குச் செல்ல இருக்கிறார்.

டெல்லி செங்கோட்டை அருகே நடந்த கார் வெடிகுண்டு விபத்துக்கு பிரதமர், முதலமைச்சர் உட்பட பலரும் இரங்கல் தெரிவித்து வருகின்றனர். இந்நிலையில், பிகார் முதலமைச்சர் வேட்பாளரும், ராஷ்டிரிய ஜனதாதளம் தலைவருமான தேஜஸ்வி இது தொடர்பாக தனது இரங்கலை தெரிவித்துள்ளார்.

அவர் தனது எக்ஸ் பக்கத்தில், “டெல்லி செங்கோட்டை அருகே நடந்த கார் வெடிப்பு சம்பவம் குறித்த துயரச் செய்தி கிடைத்தது. நாட்டின் தலைநகரில் நடந்த இதுபோன்ற ஒரு குண்டுவெடிப்பு மிகவும் கவலையளிக்கிறது, துயரத்தை அளிக்கிறது. இந்த வேதனையான சம்பவத்தில் தங்கள் அன்புக்குரியவர்களை இழந்த குடும்பங்களுக்கு எனது ஆழ்ந்த இரங்கலைத் தெரிவித்துக் கொள்கிறேன். மேலும் காயமடைந்த அனைவரும் விரைவில் குணமடைய பிரார்த்திக்கிறேன்.