Last Updated:
Bihar தேர்தல் Exit Polls படி NDA கூட்டணி அதிக இடங்கள் மற்றும் வாக்குகள் பெறும் வாய்ப்பு, மகாகத்பந்தன், Jan Suraj, மற்றவை பின்தங்கும் நிலை.
பிகார் மாநிலத்தில் உள்ள மொத்தம் 243 சட்டமன்றத் தொகுதிகளுக்கு நவம்பர் 6 மற்றும் 11 ஆகிய தேதிகளில் இரண்டு கட்டங்களாக வாக்குப்பதிவு நடைபெற்றது. இதில், கடந்த 6ஆம் தேதி 18 மாவட்டங்களில் உள்ள 121 தொகுதிகளுக்கும், இன்று (11ஆம் தேதி) 20 மாவட்டங்களில் உள்ள 122 தொகுதிகளுக்கும் வாக்குப்பதிவு நடைபெற்று முடிந்துள்ளது.
முதற்கட்ட வாக்குப்பதிவில், பிகார் மாநிலத்தின் 73 ஆண்டு கால வரலாற்றில் இல்லாத அளவிற்கு 64.66% வாக்குகள் பதிவாகியிருக்கின்றன. அதேபோல், இரண்டாம் கட்ட வாக்குப்பதிவில் மாலை 5 மணி நிலவரப்படி 67.14% வாக்குகள் பதிவாகியுள்ளன.
பிகார் சட்டமன்றத்தில், பாஜக, ஐக்கிய ஜனதாதளம் உள்ளிட்ட கட்சிகள் அடங்கிய தேசிய ஜனநாயக கூட்டணிக்கும், காங்கிரஸ், ராஷ்டிரிய ஜனதாதளம் உள்ளிட்ட கட்சிகள் அடங்கிய மகாகத்பந்தன் கூட்டணிக்கும் இடையே நேரடி போட்டி நிலவி வருகிறது.
இந்நிலையில், பிகார் மாநிலத்தில் தேர்தலுக்குப் பிந்தைய கருத்துக் கணிப்பு தற்போது வெளியாகியுள்ளது. பிகாரில் மொத்தம் 243 தொகுதிகள் உள்ள நிலையில் ஆட்சியை பிடிக்க பெரும்பான்மையாக 122 இடங்கள் தேவை. அதேபோல், கட்சிகள் பெறக்கூடிய வாக்குச் சதவிகிதம் குறித்தும் சொல்லப்பட்டுள்ளது.
தேசிய ஜனநாயகக் கூட்டணி : 133 – 159
மகாகத்பந்தன் கூட்டணி : 75 – 101
ஜன் சுராஜ் கட்சி : 0 – 5
மற்றவை : 2 – 8
இதில் என்.டி.ஏ. கூட்டணி 46.2%, மகாகத்பந்தன் 37.9%, ஜன் சுராஜ் 9.7%, மற்றவை 6.2% வாக்குகள் பெற வாய்ப்பு எனத் தெரிவித்துள்ளது.
தேசிய ஜனநாயகக் கூட்டணி : 147 – 159
மகாகத்பந்தன் கூட்டணி : 70 – 90
ஜன் சுராஜ் கட்சி : 0 – 2
மற்றவை : 0 – 5
இதில் என்.டி.ஏ. கூட்டணி 48%, மகாகத்பந்தன் 37%, ஜன் சுராஜ் 5%, மற்றவை 10% வாக்குகள் பெற வாய்ப்பு எனத் தெரிவித்துள்ளது.
November 11, 2025 7:28 PM IST
