Last Updated:
Amazon Layoffs | அமேசான் 16 ஆயிரம் ஊழியர்களை பணி நீக்கம் செய்யும் நிலையில், Beth Galetti அறிவிப்பில் 90 நாள் அவகாசம் வழங்கப்படும் என கூறப்பட்டுள்ளது.
பிரபல இணையதள வர்த்தக நிறுவனமான அமேசான் மேலும் 16 ஆயிரம் ஊழியர்களை பணி நீக்கம் செய்துள்ளது.
செயற்கை நுண்ணறிவு தொழில்நுட்பத்தின் வளர்ச்சியால் இணையதள வர்த்தக நிறுவனங்கள் மற்றும் தகவல் தொழில்நுட்ப நிறுவனங்கள் ஆள்குறைப்பு நடவடிக்கையை தீவிரப்படுத்தியுள்ளன. அமெரிக்காவை தலைமையிடமாகக் கொண்ட முன்னணி இணையதள வர்த்தக நிறுவனமான அமேசான், கடந்த அக்டோபர் மாதம் 14 ஆயிரம் ஊழியர்களை பணி நீக்கம் செய்த நிலையில், தற்போது 16 ஆயிரம் ஊழியர்களை பணி நீக்கம் செய்வதாக அறிவித்துள்ளது.
இதுகுறித்து அமேசானின் தொழில்நுட்பப் பிரிவின் துணைத் தலைவர் பெத் கலெட்டி (Beth Galetti) வெளியிட்டுள்ள அறிக்கையில், பணி நீக்க நடவடிக்கைகளை மேற்கொள்வது தங்களது நோக்கம் இல்லை என்று குறிப்பிட்டுள்ளார். ஆனால், எப்போதும் இல்லாத அளவுக்கு வேகமாக மாறிவரும் உலகுக்கு ஏற்ப பல விதமான அடுக்குகளை குறைத்து நிறுவனத்தை வலுப்படுத்துவோம் என்றும், ஒவ்வொரு குழுவிலும் தொடர்ந்து பொருத்தமான மாற்றங்களைச் செய்வோம் என்றும் கூறியுள்ளார்.
Click here to add News18 as your preferred news source on Google. 
