உலக வில்வித்தை சாம்பியன்ஷிப்.. தங்கம் வென்று இந்திய அணி சாதனை | விளையாட்டு

தென்கொரியாவில் நடைபெற்று வரும் உலக வில்வித்தை சாம்பியன்ஷிப் தொடர் நடைபெற்று வருகிறது. இதில் 74 நாடுகளிலிருந்து 501 வீரர்கள் பங்கேற்று பலப்பரீட்சை நடத்திவருகின்றனர்.

இதன் ஆடவர் அணிப்பிரிவு இறுதிப்போட்டியில் இந்திய அணி – பிரான்ஸ் அணியை எதிர்த்து பலப்பரீட்சை நடத்தியது. இரு அணி வீரர்களும் சமபலத்துடன் அம்பு எய்த நிலையில்  235-233 என்ற புள்ளிகள் கணக்கில் இந்திய அணி த்ரில் வெற்றி பெற்றது. ரிஷப் யாதவ், அமன் சைனி, பிரதமேஷ உள்ளிட்டோரைக் கொண்ட இந்திய அணி, தங்கப்பதக்கத்தை கழுத்தில் ஏந்தியது.

இதே போல் கலப்பு அணிப்பிரிவில் இந்திய அணி – நெதர்லாந்து அணியை எதிர்கொண்டது. இதில் 155-157 என்ற புள்ளிகள் கணக்கில் இந்திய அணி நூலிழையில் தங்கத்தை தவறவிட்டு வெள்ளிப்பதக்கத்தை கைப்பற்றியது.