பென் ஸ்டோக்ஸ் உள்பட முக்கிய வீரர்கள் விலகல்.. 5 ஆவது டெஸ்டிற்கான ப்ளேயிங் லெவனை அறிவித்தது இங்கிலாந்து…

இந்திய கிரிக்கெட் அணி இங்கிலாந்தில் சுற்றுப்பயணம் மேற்கொண்டு 5 போட்டிகள் கொண்ட டெஸ்ட் கிரிக்கெட் தொடரில் விளையாடி வருகிறது. இந்தத் தொடரில் மொத்தம் 4 போட்டிகள் முடிந்துள்ளன. 2 போட்டிகளில் இங்கிலாந்து அணியும் ஒரு போட்டியில் இந்தியாவும் வெற்றி பெற்றுள்ளது.

இந்நிலையில் 5-ஆவது மற்றும் கடைசி டெஸ்ட் கிரிக்கெட் போட்டி நாளை லண்டன் ஓவல் மைதானத்தில் தொடங்க உள்ளது. இந்த போட்டியில் இந்திய அணி வெற்றி பெற்றால் தொடரை சமன் செய்யும்.

டிராவில் முடிந்தால் அல்லது இங்கிலாந்து அணி வெற்றி பெற்றால் அந்த அணி தொடரைக் கைப்பற்றி விடும். இத்தகைய சூழலில் இங்கிலாந்து அணியின் கேப்டன் ஸ்டோக்ஸ் மற்றும் வேகப்பந்துவீச்சாளர் ஜோப்ரா ஆர்ச்சர் ஆகியோர் 5- ஆவது டெஸ்ட் போட்டியில் விளையாட மாட்டார்கள் என இங்கிலாந்து கிரிக்கெட் வாரியம் அறிவித்துள்ளது.

பந்துவீச்சாளர்களான ஆர்ச்சர், ப்ரைடன், லியாம் ஆகியோருக்கு ஓய்வு வழங்கப்பட்டது. இவர்களுக்கு பதிலாக அட்கின்சன், டோங் மற்றும் ஓவர்ட்டன் ஆகியோர் அணியில் சேர்க்கப்பட்டுள்ளனர்.