கணவனின் ரகசிய காதலியை தாக்கிய மனைவி..! வீடியோ வெளியாகி பரபரப்பு

உத்தர பிரதேச மாநிலம் மீரட் நகரைச் சேர்ந்தவர் ஷாஜத். இவருக்குக் கடந்த 16 ஆண்டுகளுக்கு முன்பு ஷாய்மா என்பவருடன் திருமணம் நடைபெற்றது. இருவரின் திருமண வாழ்க்கையும் நன்றாகப் போய்க்கொண்டிருந்த போது, மற்றொரு பெண்ணால் குடும்பத்திற்குள் புயல் வீசியுள்ளது.

அந்தப் பெண்ணுடன் ஷாஜத் நெருக்கம் காட்டியதால், தனியாக வாடகை வீடு எடுத்துக் கொடுத்து அவரைத் தங்க வைத்துள்ளார். அத்துடன், அடிக்கடி அந்த வீட்டிற்கு ஷாஜத் சென்று வந்துள்ளார். இதை அறிந்த ஷாய்மா, தனது கணவரைக் கண்டித்துள்ளார். ஆனால், அவர் அதைப் பொருட்படுத்தாமல் தனது ரகசிய காதலியுடன் நெருக்கம் காட்டியுள்ளார்.

இதனால் பொங்கியெழுந்த ஷாய்மா, தனது கணவன் மற்றும் அவரின் ரகசிய காதலியைக் கையும் களவுமாகப் பிடித்துச் சண்டையிட்டுள்ளார். கதவைத் திறந்து வைத்து வாக்குவாதம் செய்ததால், அக்கம்பக்கத்தினர் வேடிக்கை பார்த்ததுடன் அங்கு நடைபெற்ற சண்டையைச் செல்போனில் படம் பிடித்துள்ளனர்.

அதைப் பொருட்படுத்தாத ஷாய்மா, தனது கணவரின் ரகசிய காதலியைத் துவைத்து எடுத்துள்ளார். இரு பெண்கள் குடுமிப்பிடி சண்டையிட்டதை ஷாஜத் தடுக்க முயன்றும், அது பலனளிக்காமல் போயுள்ளது.