இந்தியாவில் நெட்ஃபிளிக்ஸ் மற்றும் பிரைம் வீடியோவை முந்தி 100 மில்லியன் சந்தாதாரர்களை எட்டிய  ஜியோ ஹாட்ஸ்டார்! 

ரிலையன்ஸ்-டிஸ்னி நிறுவனங்களின் கூட்டு முயற்சியான ஜியோஹாட்ஸ்டார் தளத்திற்கு தலைவராக நிதா எம். அம்பானி மற்றும் ஒளிபரப்பு நிபுணர் உதய் சங்கர் ஆகியோர் வழிநடத்துகின்றனர். ஜியோ ஹாட்ஸ்டாரின் தலைமை நிர்வாக அதிகாரி கிரண் மணி, 100 மில்லியன் சந்தாதாரர்கள் எண்ணிக்கை குறித்து தனது மகிழ்ச்சியை வெளிப்படுத்தினார். இது இந்தியா முழுவதும் உள்ள பார்வையாளர்களுக்கு உலகத்தரம் வாய்ந்த பொழுதுபோக்குகளை வழங்குவதற்கான தளத்தின் உறுதிப்பாட்டை பிரதிபலிக்கிறது என்று கூறினார்.

இந்த சாதனை இந்தியாவின் ஸ்ட்ரீமிங் சந்தையின் திறனை நிரூபிப்பது மட்டுமல்லாமல், பார்வையாளர்களுக்கு புதுமைகளை வழங்குவதற்கும் தனித்துவமான அனுபவங்களை வழங்குவதற்கும் ஜியோஹாட்ஸ்டாரின் நோக்கத்தையும் அடிக்கோடிட்டுக் காட்டுகிறது என்றும் அவர் எடுத்துரைத்தார்.

உண்மையைச் சொல்ல வேண்டுமென்றால், ஜியோஹாட்ஸ்டார் ஸ்ட்ரீமிங் துறையில் மிகப்பெரிய ஆதிக்க சக்தியாக மாறியுள்ளது, நெட்ஃபிக்ஸ் மற்றும் அமேசான் பிரைம் வீடியோ போன்ற தளங்களை விஞ்சியுள்ளது என்றால் பார்த்துக்கொள்ளுங்கள். நெட்ஃபிக்ஸ் மற்றும் பிரைம் வீடியோவை விட அதிக மொத்த மணிநேர நிகழ்ச்சிகளுடன், லாபம் ஈட்டப் சிரமப்படும் சிறிய, பிராந்திய ஸ்ட்ரீமிங் தளங்களை கையகப்படுத்துவதன் மூலம் ஜியோஹாட்ஸ்டார் மேலும் விரிவடையும் நிலையில் உள்ளது.

ஒருபக்கம் ஆதிக்கம் செலுத்தி வந்தாலும், போட்டி நிறைந்த இந்தியாவின் ஸ்ட்ரீமிங் சந்தையில் ஜியோஹாட்ஸ்டார் பல சவால்களை எதிர்கொள்ளும் எனக் கூறப்படுகிறது. கிரிக்கெட் போட்டிகள் மற்றும் பிக் பாஸ் போன்ற ரியாலிட்டி ஷோக்கள் அதன் பார்வையாளர்களில் பெரும்பகுதியை ஈர்த்திருந்தாலும், ஜியோசினிமாவின் முந்தைய உத்தி போன்று சரியான சந்தைப்படுத்தல் அல்லது யூசர் ஈடுபாடு இல்லாமல் கூடுதல் உள்ளடக்கத்தைச் சேர்ப்பது அதன் சந்தாதாரர் தளத்தை மேலும் வளர்ப்பதற்கான திறனைத் தடுக்கக்கூடும் என்று நிபுணர்கள் சுட்டிக்காட்டுகின்றனர்.

ஜியோஹாட்ஸ்டார் அதன் வளர்ச்சிப் பாதையைத் தொடர, போட்டியாளர்கள் நிறைந்த சந்தையில் உள்ளடக்க உருவாக்கம் மற்றும் யூசர் ஈடுபாட்டிற்கு மிகவும் கவனமான திட்டமிடலில் கவனம் செலுத்த வேண்டும்.

ஜியோஹாட்ஸ்டாருக்கு எதிர்காலம் பிரகாசமாகத் தெரிகிறது. ஆனால் போட்டி தீவிரமடைவதால், இந்தியாவின் வேகமாக வளர்ந்து வரும் டிஜிட்டல் பொழுதுபோக்குத் துறையில் நிலையான வளர்ச்சி மற்றும் வெற்றியை உறுதி செய்ய அதன் அடுத்தகட்ட நடவடிக்கைகளை கவனமாக திட்டமிட வேண்டும்.