சென்னையில் பிரேசில் ஜாம்பவான்கள் கலந்து கொண்ட கால்பந்து போட்டி… பிரபலங்கள், ரசிகர்கள் கண்டுகளித்து உற்சாகம்

சென்னையில் நடைபெறும் சர்வதேச அளவிலான கால்பந்து உச்சிமாநாட்டையொட்டி, நேரு உள்விளையாட்டரங்கில் கால்பந்து காட்சிப் போட்டி நடைபெற்றது. இதில், 2002-இல் கால்பந்து உலகக் கோப்பையை வென்ற பிரேசில் அணி வீரர்கள், ஜாம்பவான் ரொனால்டினோ தலைமையில் பிரேசில் லெஜண்ட்ஸ் அணியாகவும், இந்திய கால்பந்து அணியின் முன்னாள் கேப்டனும், விஜய் நடித்து பிகில் படத்தில் வில்லனாக நடித்திருந்தவருமான ஐஎம்.விஜயன் தலைமையில் முன்னாள் வீரர்கள் அடங்கிய இந்தியா ஆல் ஸ்டார் அணியும் விளையாடின.

கால்பந்து என்றாலே ரசிகர்களுக்கு சட்டென நினைவுக்கு வரும் பிரேசில் அணியின் உலகப்புகழ் பெற்ற வீரர்களான ரொனால்டினோ, ரிவால்டோ உள்ளிட்டோர் சென்னை வருகின்றனர் என்றதுமே கால்பந்து ரசிகர்களிடையே உற்சாகம் தொற்றிக்கொண்டது. இதனால், போட்டியைக் காண ஆயிரக்கணக்கான ரசிகர்கள் திரண்டனர். துணை முதலமைச்சர் உதயநிதி போட்டியை தொடங்கி வைத்தார்.

போட்டியில் ஒவ்வொரு கோல் அடித்த போதும் மைதானத்தில் சம்பா நடனம் களைகட்டியது. விறுவிறுப்பாக நடந்த இந்த போட்டியில், எதிர்பார்த்தபடியே இரண்டுக்கு ஒன்று என்ற கணக்கில் வெற்றி பெற்ற பிரேசில் லெஜண்ட்ஸ், தற்போதும் தாங்கள் தான் கெத்து என நிரூபித்தனர்!

The most anticipated Brazil Legends Tour kicked off today at the Jawaharlal Nehru Indoor Stadium in Chennai, and I had the privilege of witnessing the exciting exhibition match between the Indian All-Stars and Brazil Legends.

It was a fantastic atmosphere, with fans and football… pic.twitter.com/sQDlz2dZMK

— Udhay (@Udhaystalin) March 30, 2025