தொழில்நுட்ப துறையில் முன்னோடி.. தேசிய மற்றும் சர்வதேச அறிவுசார் சொத்து விருதுகளை வென்றது ஜியோ!

டெல்லியில் நடைபெற்ற விழாவில் மத்திய அரசுடைய தேசிய அறிவுசார் சொத்து விருதும், உலக அறிவுசார் சொத்து நிறுவனமான WIPO வின் விருதும் ஜியோவுக்கு அளிக்கப்பட்டுள்ளது.

இந்த விருதுகள் ஜியோவின் அறிவுசார் சொத்து சாதனைகள் மற்றும் தொலைத்தொடர்பு துறையில் இந்தியாவின் ஆத்மநிர்பர் (தன்னம்பிக்கை) பார்வையை முன்னேற்றுவதில் முக்கிய பங்கை அங்கீகரிக்கிறது.

அறிவுசார் சொத்துரிமைக்கான ஜியோவின் அணுகுமுறை, இந்திய அரசின் ‘விக்சித் பாரத் 2047’ பார்வையை ஆதரிக்கும் வகையில் உள்ளது.

புதுமை, டிஜிட்டல் முன்னேற்றம் மற்றும் உள்நாட்டு தொழில்நுட்பத்தை உருவாக்குவதன் மூலம் இந்தியாவை வளர்ந்த பொருளாதாரமாக மாற்றுவதை நோக்கமாக ஜியோ கொண்டுள்ளது.

பாரத் 6ஜி பார்வைக்கு மத்திய அரசு முன்னுரிமை அளித்து வரும் நிலையில், இந்த தொழில்நுட்ப புரட்சியில் ஜியோ தளங்கள் முன்னணியில் உள்ளன.

அறிவுசார் சொத்து விருதை பெற்றுக்கொண்ட ஜியோ பிளாட்ஃபார்ம்ஸ் லிமிடெட்டின் மூத்த துணைத் தலைவர் ஆயுஷ் பட்நாகர், “இந்த விருதுகள் நிஜ உலக சவால்களைத் தீர்ப்பதில் ஆழ்ந்த அர்ப்பணிப்புடன் புதுமைகளை இணைக்கும் எங்களின் அணுகுமுறையை உறுதிப்படுத்துகிறது. நாங்கள் தொழில்நுட்பங்களை மட்டும் உருவாக்கவில்லை;

நாங்கள் உருவாக்கும் போட்டித் திறன் நாட்டின் வளர்ச்சிக்கும், 5ஜி, 6ஜி, செயற்கை நுண்ணறிவு தொழில்நுட்பத்தில் சவாலாக இருப்பதற்கும் உதவும் என்று தெரிவித்தார்.

இதையும் படிங்க – ஏப்ரல் 1 முதல் அமல்படுத்தப்படும் புதிய வங்கி விதிகள்.. ஏடிஎம் கட்டணம், குறைந்தபட்ச இருப்பு உள்ளிட்ட 6 முக்கிய மாற்றங்கள்!

ஜியோ நிறுவனத்தின் வலுவான ஆராய்ச்சி மற்றும் மேம்பாடு, உள்நாட்டில் 5G மற்றும் AI தொழில்நுட்பங்களை வெற்றிகரமாக செயல்படுத்துவதன் மூலம், இந்தியாவின் வளர்ந்து வரும் தொலைத்தொடர்பு துறையில் அதை தவிர்க்க முடியாத சக்தியாக மாற்றுகிறது.