ஐடில்ஃபிட்ரி கொண்டாட்டத்துடன் இணைந்து அனைத்து மலேசிய தொலைத்தொடர்பு பயனர்களும் குறைந்தபட்சம் 5GB கூடுதல் டேட்டா ஒதுக்கீட்டைப் பெறுவார்கள் என்று தகவல் தொடர்பு அமைச்சர் பஹ்மி பட்ஸில் தெரிவித்தார்.
இன்று தனது அமைச்சகத்தில் நடந்த செய்தியாளர் சந்திப்பில், கூடுதல் தரவு குறைந்தபட்சம் 24 மணிநேரங்களுக்கு செல்லுபடியாகும் என்று பஹ்மி கூறினார்.
“இதற்கு அரசாங்கம் பணம் செலுத்துவதில்லை. தொலைத்தொடர்பு நிறுவனங்கள் (நிறுவனங்கள்) இதை வழங்குகின்றன,” என்று அவர் கூறினார்.
இதில் ஈடுபட்டுள்ள நிறுவனங்கள் CelcomDigi, Maxis, U Mobile, TM Texh, YTL Communications, Pavo Comms, Tune Talk, redONE, REDtone மற்றும் XOX Com.
ஐடில்ஃபிட்ரியின் முதல் நாளில் (மார்ச் 31) தரவு வழங்கப்படும் என்று பஹ்மி கூறினார்.
ஒரே பெயரில் பல கணக்குகளை வைத்திருப்பவர்களுக்கு, ஒரு கணக்குக்கு மட்டுமே இலவச டேட்டா கிடைக்கும் என்று அவர் கூறினார்.
“ஹரி ராயா ஐடில்ஃபித்ரியுடன் இணைந்து ரஹ்மா தள்ளுபடி சலுகைகளை வழங்குவது, குறிப்பாக இணைய தொடர்புமூலம் உறவுகளை வலுப்படுத்தவும், இந்த ஆண்டுக் கொண்டாட்டத்தை உற்சாகப்படுத்தவும் உதவும் என்று நம்பப்படுகிறது,” என்று அவர் கூறினார்.
பண்டிகைக் கொண்டாட்டத்திற்கான சுங்கக் கட்டணத் தள்ளுபடிகள் குறித்து, பொதுப்பணி அமைச்சர் அலெக்சாண்டர் நந்தா லிங்கி இன்று மாலை அறிவிப்பை வெளியிடுவார் என்று பஹ்மி கூறினார்.
