Last Updated:
அரவிந்த் கெஜ்ரிவால் பாஜக தலைவர் லட்சுமி காந்தா சாவ்லாவை சந்தித்தது பஞ்சாப் மற்றும் டெல்லி அரசியலில் பரபரப்பை ஏற்படுத்தியது.
டெல்லி முன்னாள் முதல்வரும், ஆம் ஆத்மி ஒருங்கிணைப்பாளருமான அரவிந்த் கெஜ்ரிவால், பஞ்சாப் மாநில பாஜகவின் மூத்த தலைவரும், முன்னாள் அமைச்சருமான லட்சுமி காந்தா சாவ்லாவை அவரது இல்லத்தில் இன்று சந்தித்தார். இது பஞ்சாப் மாநில அரசியலில் பெரும் பரபரப்பை ஏற்படுத்தியுள்ளது.
பஞ்சாப்பை தாண்டி டெல்லி அரசியலில் இது பெரும் கவனம் பெற்றுள்ளது. அரவிந்த் கெஜ்ரிவால் – லட்சுமி காந்தா சாவ்லா சந்திப்பு குறித்து கருத்து தெரிவித்த டெல்லி அமைச்சர் மஞ்சிந்தர் சிங் சிர்சா, “அரவிந்த் கெஜ்ரிவால் வெவ்வேறு இடங்களுக்குச் செல்கிறார். ஒருவர் தோல்வியடைந்தாலோ அல்லது ஏமாற்றமடைந்தாலோ, அதற்கான வழியைத் தேடுகிறார். அரவிந்த் கெஜ்ரிவால் லட்சுமி காந்தா சாவ்லாவின் வீட்டிற்குச் சென்று பாஜகவில் சேர நினைத்தால், பாஜக அவரை ஒருபோதும் ஏற்றுக்கொள்ளாது” எனத் தெரிவித்தார்.
#WATCH | Amritsar, Punjab: AAP National convenor Arvind Kejriwal leaves from the residence of senior BJP leader Lakshmi Kanta Chawla. pic.twitter.com/WF2dYasJM9
— ANI (@ANI) March 15, 2025
அதேபோல் இவர்கள் இருவரின் சந்திப்பு குறித்து பேசிய பாஜக எம்.பி., ராம்விர் சிங் பிதூரி, “அவர் யாரைச் சந்தித்தார், யாரைச் சந்திக்கவில்லை என்பது எனக்குத் தெரியாது, அது அவருடைய தனிப்பட்ட விஷயம்” எனத் தெரிவித்துள்ளார்.
March 15, 2025 10:15 PM IST
