75 வருடங்களாக இந்தியாவுக்கு நிதி வழங்கிய அமெரிக்கா.. ஒரே ஆர்டரில் நிறுத்திய எலான் மஸ்க்.. காரணம் என்ன?

அமெரிக்க அதிபராக இரண்டாவது முறையாக தேர்ந்தெடுக்கப்பட்டு இருக்கும் டொனால்ட் ட்ரம்ப், அரசின் செயல்திறன் துறை தலைவராக கோடீஸ்வர தொழிலதிபர் எலான் மஸ்க்கை நியமித்துள்ளார். நிர்வாகத்தை மேம்படுத்துதல் மற்றும் வீணான செலவினங்களைக் கட்டுப்படுத்துதலே இத்துறையின் நோக்கம். அதன்படி பல்வேறு அதிரடி நடவடிக்கைகளை எடுத்துவரும் இத்துறையின் சமீபத்திய ஒன்றுதான் இந்த நிதி ரத்து அறிவிப்பு. பல வளரும் நாடுகளுக்கு நிதி வழங்கும் USAID திட்டமே ஒரு ஊழல் என அண்மையில் கூறியிருந்தார் அதிபர் டிரம்ப்.

USAID மூலம் 1951- ஆம் ஆண்டு முதலே இந்தியா நிதி பெற்று வருகிறது. கார்க்பூரில் அமைக்கப்பட்ட நாட்டின் முதல் ஐஐடி நிறுவனத்திற்கு அமெரிக்கா தான் நிதி அளித்தது. இதனை தொடர்ந்து பல்வேறு இடங்களில் 14 பொறியியல் மற்றும் வேளாண் கல்லூரிகள் அமெரிக்க நிதி உதவியுடன் அமைக்கப்பட்டன. இதுமட்டுமல்லாமல் மூலதனச் சந்தை மேம்பாடு, பசுமைக் கட்டட இயக்கம், எச்.ஐ.வி., குடும்பக் கட்டுப்பாடு மற்றும் குழந்தை நலம் உள்ளிட்ட நோய்த்தடுப்புத் திட்டங்களுக்கும் பணத்தை வழங்கியது. நடப்பு நிதியாண்டில், USAID மூலம் இந்தியா 12 ஆயிரம் கோடி ரூபாய் பெற உள்ளது.

Also Read | ‘கிரிக்கெட்டின் கடவுள்’ சச்சின் டெண்டுல்கரே சந்திக்க பயந்த ஒரே பௌலர்.. யார் தெரியுமா?

இந்நிலையில், வாக்கு சதவிகிதத்திற்காக இந்தியாவுக்கு வழங்கப்படும் ஆயிரத்து 800 கோடி ரூபாய் நிறுத்தப்படுவதாக எலான் மஸ்க் அறிவித்துள்ளார். அமெரிக்காவின் நிதி இந்தியாவில் உள்ள 3ம் பாலின மருத்துவமனைகளுக்கு செலவு செய்யப்படுவதாக எலான் மஸ்க் குற்றச்சாட்டு வைத்துள்ளார். அதாவது இந்தியாவில் இந்த நிதியை வைத்து 3ம் பாலினத்திற்கான மருத்துவமனைகள் உருவாக்கப்பட்டதாக மஸ்க் புகார் வைத்துள்ளார்.