IPL 2025 : ஐபிஎல் 2025 தொடருக்கான அட்டவணை வெளியீடு… சிஎஸ்கே ரசிகர்களுக்கு டபுள் ட்ரீட்

74 லீக் போட்டிகளின் அடிப்படையில் முதல் 2 அணிகள் குவாலிஃபையர் 1 எனப்படும் தகுதி போட்டிக்கு முன்னேறும். இவ்விரு அணிகளில் வெற்றி பெறும் அணி இறுதிப் போட்டிக்கு நேரடியாக செல்லும். இதேபோன்று லீக் போட்டிகளின் பாயின்ட்ஸ் டேபிளில் 3 மற்றும் 4 இடங்களை பிடிக்கும் அணிகள் எலிமினேட்டர் சுற்றில் விளையாடும். இதில் தோல்வி அடையும் அணி தொடரை விட்டு வெளியேறி விடும். வெற்றி பெறும் அணி குவாலிஃபையர் முதல் போட்டியில் தோல்வியடைந்த அணியுடன் குவாலிஃபையர் 2 என்ற சுற்றில் விளையாடும்.இந்த குவாலிஃபைர் 2 சுற்றில் வெற்றி பெறும் அணி இறுதிப் போட்டிக்கு செல்லும். இவ்வாறாக போட்டி அட்டவணை வடிவமைக்கப்படும்.

நடப்பு ஐபிஎல் தொடரின் முதல் போட்டியில் கடந்த முறை சாம்பியன் பட்டம் வென்ற கொல்கத்தா நைட் ரைடர்ஸ் அணி பெங்களூரு அணி உடன் மோத உள்ளது. இந்தப் போட்டி கொல்கத்தாவில் உள்ள ஈடன் கார்டன் மைதானத்தில் நடைபெற உள்ளது. அதே போன்று முதல் ப்ளே ஆஃப் சுற்று ஐதராபாத் மைதானத்திலும் இறுதி போட்டி கொல்கத்தா மைதானத்தில் நடைபெற உள்ளது.

இந்த முறை ப்ளே ஆஃப் சுற்றுகள் சென்னை சேப்பாக்கத்தில் நடைபெறவிட்டாலும் லீக் போட்டிகளில் சிஎஸ்கே அணி மும்பை அணி உடன் 2 போட்டிகளில் விளைாயட உள்ளது ரசிகர்களுக்கு டபுள் ட்ரீட்டாக அமைந்துள்ளது. கடந்த முறை சிஎஸ்கே மும்பை அணி உடன் ஒரு போட்டியில் மட்டுமே மோதியது. சிஎஸ்கே – மும்பை அணிகள் மார்ச் 23 ஆம் தேதி சேப்பாக்கத்தில் நடைபெற உள்ளது.

சிஎஸ்கே அணி சேப்பாகத்தில் விளையாட உள்ள போட்டிகள்

மார்ச் 23 – மும்பை இந்தியன்ஸ்

மார்ச் 28 – ஆர்சிபி

ஏப்ரல் 5 – டெல்லி கேப்பிட்டள்ஸ்

ஏப்ரல் 11 – கொல்கத்தா நைட் ரைடர்ஸ்

ஏப்ரல் 25 – சன்ரைசர்ஸ் ஹைதரபாத்

ஏப்ரல் 30 – பஞ்சாப் கிங்ஸ்

மே 12 – ராஜஸ்தான் ராயல்ஸ்