90ஸ் கிட்ஸ்களின் பேவரைட் நாயகன்.. பிரபல WWE வீரர் ரே மிஸ்டீரியோ மரணம்..! – News18 தமிழ்

புகழ்பெற்ற மெக்சிகன் மல்யுத்த வீரர் ரே மிஸ்டீரியோ(Rey Mysterio) சீனியர் காலமானார். அவருக்கு வயது 66.

ரே மிஸ்டீரியோ உயிரிழப்பு அவரின் குடும்பத்தினரால் உறுதிசெய்யப்பட்டுள்ளது. நேற்று (டிச.20) அவர் உயிரிழந்தார் என்று தகவல் வெளியாகியுள்ளது. எனினும், உயிரிழப்புக்கான என்ன காரணம் என்பது எதுவும் சொல்லப்படவில்லை.

ரே மிஸ்டீரியோவின் இயற்பெயர் மிகுவல் ஏஞ்சல் லோபஸ் டயஸ். ‘619’ என்கிற அடைமொழியுடன் WWE மல்யுத்த களத்தில் அவரின் சண்டை பிரபலமாக இருந்தது. 90ஸ் கிட்ஸ் மனதில் ரே மிஸ்டீரியோவுக்கென தனி இடமுண்டு. ரே மிஸ்டீரியோ என்றாலே அவரின் முகமூடி தான் நியாபகம் வரும். களத்தில் நேர்மையுடன் அதேநேரம் தனது வித்தியாசமான சண்டை நகர்வுகள் எதிராளிகளை நிலைகுலையச் செய்யும்.

ஆரம்பத்தில் மெக்ஸிகோவில் லூச்சா லிப்ரே போட்டிகள் மூலம் புகழ் பெற்ற ரே மிஸ்டீரியோ, 1990-இல் உலக சாம்பியன்ஷிப் மல்யுத்தத்தின் ‘ஸ்டார்கேட்’ போன்ற நிகழ்வுகள் உட்பட சர்வதேச அளவில் தனது திறமையை வெளிப்படுத்தி இந்த இடத்தைப் பிடித்தார். பின்னர், WWE எனப்படும் வர்த்தக மல்யுத்தப் போட்டிகள் வந்ததன் மூலம் உலக அளவில் பிரபலமானார். கயிற்றின் மீது ஏறி உயரமாகப் பறந்து எதிராளிகள் மீது குதிக்கும் அவரது பாணி மிகவும் கவனம் ஏற்கப்பட்டது.

நீரிழிவு நோயாளிகளுக்கு சிறந்த 5 வேர் காய்கறிகள்.!
மேலும் செய்திகள்…