கோலாலம்பூர்: குடிநுழைவுத் துறை அம்பாங் ஜெயா மாநகர மன்றம் (எம்பிஏஜே), போலீசார், தேசியப் பதிவுத் துறை ஆகியவற்றின் கூட்டு நடவடிக்கையில் மொத்தம் 119 சட்டவிரோத குடியேறிகள் செவ்வாய்க்கிழமை (நவம்பர் 26) பாண்டான் மேவா குடியிருப்பில் கைது செய்யப்பட்டனர். மாலை 6 மணி முதல் காலை 11 மணி வரை நடந்த இந்த நடவடிக்கையில் 400 வெளிநாட்டவர்கள் சோதனை செய்யப்பட்டதாகவும், அதில் 89 மியான்மர் நாட்டவர்கள், 14 வங்காளதேசிகள், 8 நேபாளிகள், 4 இந்தோனேசியர்கள் மற்றும் நான்கு இந்தியர்கள் என 119 பேர் கைது செய்யப்பட்டதாக சிலாங்கூர் குடிநுழைவுத்துறை இயக்குநர் கைருல் அமினஸ் கமருடின் தெரிவித்தார்.
எந்தவொரு சட்டவிரோத குடியேற்றவாசிகளுக்கும் அடைக்கலம் கொடுக்க வேண்டாம் என்று குடிநுழைவுத்துறை பொதுமக்களுக்கும் முதலாளிகளுக்கும் நினைவூட்ட விரும்புகிறது. இந்த அறிவுறுத்தலை அவர்கள் மீறினால் சட்ட நடவடிக்கையை எதிர்கொள்ள வேண்டியிருக்கும் என்று ஊடகவியலாளர் சந்திப்பின் போது கூறினார்.
கைது செய்யப்பட்டவர்களில் பெரும்பாலோர் குடிநுழைவுச் சட்டம் 1959/63 இன் பிரிவு 6(1)(c) மற்றும் பிரிவு 15(1)(c) இன் கீழ் குற்றங்களைச் செய்தார்கள் மேலும் அவர்கள் அனைவரும் மேலதிக சோதனைகளுக்காக Seminyih குடிநுழைவு டிப்போவிற்கு அழைத்துச் செல்லப்பட்டுள்ளனர் என்றார். இதற்கிடையில், MPAJ அமலாக்க அதிகாரி முகமது ஃபர்ஹான் ஹக்கீம் முகமட் ரோபி கூறுகையில், சட்டப்பூர்வ அனுமதியின்றி வெளிநாட்டினரை பணியமர்த்தியதற்காக ஐந்து வளாகங்கள் ஆய்வு செய்யப்பட்டு இரண்டு சீல் வைக்கப்பட்டன.
