2025-ல் ரூ.1 லட்சத்தை எட்டும் தங்கம் விலை? நிபுணர்கள் சொல்வது என்ன? – News18 தமிழ்

இந்த ஆண்டின் தொடக்கத்தில் இருந்து தங்கம் விலை ஏற்ற இறக்கமாக இருந்து வருகிறது. ஆகையால், தங்கம் விலை எப்போது உயரும்? அல்லது குறையும்? என்று தெரியாமல், நகைப் பிரியர்களும் முதலீட்டாளர்களும் குழப்பத்தில் உள்ளனர். இந்த சூழ்நிலையில், தங்கம் விலை தொடர்பாக வர்த்தக ஆய்வாளர்கள் தெரிவித்த சில விஷயங்களை பற்றி இங்கே பார்ப்போம்.

சென்னையில் நேற்று (நவம்பர் 25-ஆம் தேதி) 22 காரட் ஆபரணத் தங்கத்தின் விலை ஒரு கிராம் ரூ.100 குறைந்து, ரூ.7,200-க்கும், ஒரு சவரன் ரூ.800 குறைந்து ரூ.57,600-க்கும் விற்பனை செய்யப்பட்டது. இந்நிலையில், இன்று (நவம்பர் 26-ஆம் தேதி) 22 காரட் ஆபரணத் தங்கத்தின் விலை ஒரு கிராம் ரூ.120 குறைந்து, ரூ.7,080-க்கும், ஒரு சவரன் ரூ.960 குறைந்து ரூ.56,640-க்கும் விற்பனை செய்யப்படுகிறது. இதேபோன்று 18 காரட் தங்கம், ஒரு கிராம் ரூ.90 குறைந்து, ஒரு கிராம் ரூ.5,850-க்கும், ஒரு சவரன் ரூ.720 குறைந்து ரூ.46,800-க்கும் விற்பனை செய்யப்படுகிறது.

Also Read:
புதிய பான் கார்டு அறிமுகம்! பழைய பான் அட்டைகள் செல்லுபடியாகாதா? சந்தேகங்களுக்கு மத்திய அரசு விளக்கம்..!

தங்கத்தின் விலை மீண்டும் குறையுமா?

இதற்கிடையே, விரைவில் தங்கத்தின் விலை மீண்டும் உயர்ந்து, அதன்பிறகு குறையலாம் என்று ஆய்வாளர்கள் கணித்துள்ளனர். தங்கத்தின் மீது இந்த நீண்ட கால ஏற்ற இறக்கம் இருந்தாலும், அடுத்த 3 முதல் 4 மாதங்களில் பெரிய சரிவு ஏற்படக்கூடும் என்றும் கூறப்படுகிறது. பொதுவாக, இந்திய பங்குச் சந்தை மற்றும் அரசாங்கப் பத்திர மதிப்புகள் சர்வதேச வளர்ச்சியுடன் உயரும் போது, ​​​​தங்கத்தின் விலை குறைவதை பார்க்கிறோம். அமெரிக்க அதிபர் தேர்தலில் டொனால்ட் டிரம்ப் வெற்றி பெற்ற பிறகு, தங்கம் விலை பெரும் ஏற்ற இறக்கங்களை சந்தித்து வருகிறது. தற்போதைய சந்தை நிலவரத்தை பார்க்கும் போது தங்கம் விலை மேலும் குறைய வாய்ப்புள்ளதாக கூறப்படுகிறது. அமெரிக்காவில் டொனால்ட் டிரம்ப் ஆட்சிக்கு வந்த பிறகு, உலகச் சந்தைகளின் உணர்வு வலுப்பெற்றுள்ளதாகவும், இதனால் தங்கம் விலை குறைய வாய்ப்புகள் இருப்பதாகவும் ஆய்வாளர்கள் கூறுகின்றனர்.

உயர் இரத்த அழுத்தம் இருந்தால் உடலில் ஏற்படும் பக்க விளைவுகள் என்ன.?
மேலும் செய்திகள்…