ஐபிஎல் மெகா ஏலம்… மொத்தம் 574 வீரர்கள், இறுதி பட்டியல் வெளியீடு

அடுத்தாண்டு ஐபிஎல் கிரிக்கெட் போட்டிகளில் ஆட உள்ள வீரர்களுக்கான ஏலத்தில் 574 வீரர்களின் பட்டியல் வெளியாகியுள்ளது.

18வது ஐபிஎல் போட்டிக்கான மெகா ஏலம் வரும் 24 மற்றும் 25 ஆகிய தேதிகளில் துபாயின் ஜெட்டா நகரில் நடக்க உள்ளது. இதற்காக 10 அணிகளின் நிர்வாகங்களும் தீவிரமாக தயாராகி வரும் நிலையில், ஐபிஎல் நிர்வாகம் தரப்பில் ஏலத்தில் பங்கேற்க தேர்வாகியுள்ள வீரர்களின் பட்டியல் வெளியிடப்பட்டுள்ளது.

இந்த ஏலத்தில் பங்கேற்க இந்திய வீரர்கள் 1,165 பேர், வெளிநாட்டு வீரர்கள் 409 பேர் பதிவு செய்திருந்தனர். பதிவு செய்யப்பட்ட 1,574 வீரர்களில் 1,000 வீரர்களின் பெயர்கள் பரிசீலிக்கப்பட்டன.

இந்நிலையில் 574 பேராக இந்த பட்டியல் சுருக்கப்பட்டுள்ளது. இறுதிகட்ட பட்டியலும் வெளியாகியுள்ளது. குறைக்கப்பட்ட பட்டியலில் 366 இந்திய வீரர்கள், 208 வெளிநாட்டு வீரர்கள் மட்டுமே இடம்பிடித்துள்ளனர்.

Also Read | IPL | ஐபிஎல் மெகா ஏலத்தில் பங்கேற்கும் “குட்டி” வீரர்… யார் இந்த வைபவ் சூர்யவன்ஷி?

இறுதி செய்யப்பட்ட 574 வீரர்களில் இருந்து 70 வெளிநாட்டு வீரர்கள் உள்ளிட்ட 204 வீரர்கள் மட்டுமே ஏலத்தில் எடுக்கப்பட உள்ளனர்.

அதேபோல் அன்கேப்ட் வீரர்களில் 318 இந்திய வீரர்களும், 12 வெளிநாட்டு வீரர்களும் தேர்வாகியுள்ளனர்.

ஐபிஎல் மெகா ஏலத்தில் பங்கேற்கும் சீனியர் வீரர் என்ற பெருமையை 42 வயதாகும் ஜேம்ஸ் ஆண்டர்சன் பெற்றுள்ளார்.

இதேபோல் மிகக்குறைந்த வயது கொண்ட வீரராக பிகாரை சேர்ந்த வைபவ் சூர்யவன்ஷி ஏலத்தில் இடம்பெறவுள்ளார்.

.