22 வயதில் விராட் கோலியின் சாதனையை முறியடித்த யஷஸ்வி ஜெய்ஸ்வால்… குவியும் பாராட்டு…

இந்திய அணியின் தொடக்க வீரர் யஷஸ்வி ஜெய்ஸ்வால் தனது 22 வயதில் விராட் கோலியின் சாதனையை முறியடித்துள்ளார். அவருக்கு பாராட்டுகள் குவிந்து வருகிறது.

இமாச்சல பிரதேச மாநிலம்  தர்மசாலாவில் நடைபெற்று வரும் இந்தியா மற்றும் இங்கிலாந்து அணிகளுக்கு இடையிலான 5 ஆவது மற்றும் கடைசி டெஸ்ட் போட்டியின் முதல் இன்னிங்ஸில் இங்கிலாந்து அணி 218 ரன்களுக்கு அனைத்து விக்கெட்டுகளையும் இழந்துள்ளது. சுழல் பந்து வீச்சில் மிரட்டிய இந்திய அணியின் பவுலர்கள் குல்தீப் யாதவ் 5 விக்கெட்டுகளையும், அஷ்வின்4 விக்கெட்டுகளையும் வீழ்த்தினர். இதையடுத்து இந்திய அணியின் பேட்ஸ்மேன்கள் முதல் இன்னிங்ஸில் களம் இறங்கியுள்ளனர். ஏற்கனவே நடந்து முடிந்த 4 போட்டிகளில் இந்திய அணி 3 போட்டிகளில் வெற்றி பெற்று தொடரை வென்றுள்ளது குறிப்பிடத்தக்கது.

இந்த போட்டியில்டாஸ் வென்ற இங்கிலாந்து அணி கேப்டன் பென் ஸ்டோக்ஸ் பேட்டிங்கை தேர்வு செய்தார். இந்திய அணியில் ரஜத் பட்டிதாருக்கு பதிலாக தேவ்தத் படிக்கல்லும், ஆகாஷ் தீபிற்கு பதிலாக பும்ராவும் களத்தில் இறங்கினர்.

5 ஆவது டெஸ்ட் போட்டியின் முதல் இன்னிங்ஸில், இந்திய அணி தரப்பில் குல்தீப் யாதவ் 5 விக்கெட்டுகளையும், ரவிச்சந்திரன் அஷ்வின் 4 விக்கெட்டுகளையும் வீழ்த்தினர். ஜடேஜா 1 விக்கெட்டை கைப்பற்றினார். இந்த இன்னிங்ஸில் இந்திய அணியின் ஸ்பின்னர்கள் மட்டுமே அனைத்து விக்கெட்டுகளையும் சாய்த்துள்ளனர்.

இதையடுத்து இந்திய அணி  தற்போது பேட்டிங் செய்து வருகிறது. இந்த போட்டியில் விராட் கோலியின் ஒரு டெஸ்ட் தொடரில் 4 ஆவது அதிக ரன்கள் எடுத்த இந்தியர் என்ற சாதனையை யஷஸ்வி ஜெய்ஸ்வால் முறியடித்துள்ளார்.

இதேபோன்று இங்கிலாந்துக்கு எதிரான ஒரு டெஸ்ட் தொடரில் அதிக ரன்களை குவித்தவர் என்ற புதிய சாதனையை இன்று ஏற்படுத்தியுள்ளார் யஷஸ்வி ஜெய்ஸ்வால்.

2016 – 17 இல் இங்கிலாந்துக்கு எதிரான டெஸ்ட் தொடரில் விராட் கோலி 655 ரன்கள் எடுத்திருந்தார். அந்த சாதனையை 656 ரன்கள் எடுத்து தற்போது முறியடித்துள்ளார் யஷஸ்வி ஜெய்ஸ்வால்.

1970-71 இல் வெஸ்ட் இண்டீசிற்கு எதிரான டெஸ்ட் தொடரில் சுனில் கவாஸ்கர் 774 ரன்கள் எடுத்ததே இதுவரை சாதனையைக உள்ளது. அடுத்தபடியாக கவாஸ்கர் 1978 – 79 இல் வெஸ்ட் இண்டீசிற்கு எதிராக 732 ரன்கள் எடுத்திருந்தார்.

3 ஆவது இடத்தில் 2014 – 15 இல் ஆஸ்திரேலியாவுக்கு எதிரான டெஸ்ட் தொடரின்போது விராட் கோலி எடுத்த 692 ரன்கள் சாதனையாக உள்ளது. இதன்பின்னர், யஷஸ்வி 4 ஆவது இடத்தை பிடித்துள்ளார்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…