நெருங்கும் தீபாவளி பண்டிகை.. சின்னாளப்பட்டி சுங்குடி சேலைகள் தயாரிப்பு தீவிரம்! | வணிகச் செய்திகள்

சின்னாளப்பட்டியில் தயாரிக்கப்படும் சேலைகள் தமிழக மற்றும் மன்றி கேரளா, ஆந்திரா, கர்நாடகா போன்ற வெளிமாநிலங்களுக்கும் மலேசியா, சிங்கப்பூர், துபாய், இலங்கை போன்ற வெளிநாடுகளுக்கும் விற்பனை செய்யப்பட்டு வருகிறது. இங்கு தயாரிக்கப்படும் சுங்குடி சேலைகள், பிரிண்டிங் சேலைகள், நெசவு சேலைகள், கண்டாங்கி சேலைகள், பட்டு சேலைகள் என பல ரகங்களில் சேலைகள் உற்பத்தி செய்து வரும் நிலையில் சுங்குடி சேலைகளுக்கு என்று தனி மகத்துவம் உண்டு இங்கு தயாரிக்கப்படும் சேலைகள் வண்ண வண்ண வடிவமைப்புகளைக் கொண்டு இங்கு தயாரிக்கப்படும் சேலைகளுக்கு பிரிண்டிங் முறை, அச்சு, மெழுகு,முடிச்சு முறைகளில் சேலைகள் தயாரிக்கப்படுகின்றனர்.

தற்போது நவ நாகரிக காலங்களினால் பெண்கள் சுடிதார், ஜீன்ஸ், மிடி, சல்வார், பேண்ட், சர்ட் என மாறி உள்ளதால் சின்னாளப்பட்டி தயாரிக்கப்படும் சேலைகளை தவிர்த்து வரும் நிலையில் பெண்களை கவரும் விதமாக இந்த ஆண்டு சின்னாளப்பட்டி முதல் முறையாக தண்ணீரில் வண்ண, வண்ண கலர்களில் சேலைகளில் டிசைன்களை உருவாக்கி வர்ணஜால சேலைகள் தயாரித்து வருகின்றனர். தற்பொழுது தீபாவளி திருநாள் நெருங்குவதை முன்னிட்டு ஆர்டர்கள் அதிகரித்து உள்ளதாலும் வர்ணஜால சேலைகளுக்கு பெண்களிடையே அதிகமான வரவேற்பு ஏற்பட்டுள்ளதால் புது அறிமுகமான வர்ணஜால சேலைகள், சுங்குடி சேலைகள், பட்டு சேலைகள், கைத்தறி சேலைகள் என பலவகையான சேலைகளை இரவு பகலாக பிரிண்டிங் போடுதல், மெழுகு போடுதல், முடிச்சு போடுதல், அயனிங், துணிகளை உணர போடுதல் உள்ளிட்ட பல்வேறு பணிகளில் சுமார் 5 ஆயிரத்திற்கும் மேற்பட்ட தொழிலாளர்கள் இரவு, பகலாக ஈடுபட்டு வருகின்றனர்.

பஞ்சு உள்ளிட்ட மூலப் பொருள்களின் விலை உயர்ந்து உள்ளதால் இந்த ஆண்டு சேலைகளின் விலையும் 250 ரூபாய்க்கு விற்பனையான சேலைகள் 400 ரூபாய்க்கு ஏற்றமடைந்து உள்ளது இருப்பினும் தீபாவளி திருநாள் என்பதால் ஆடவர்கள் வந்த வண்ணம் உள்ளது விலையை பொருட்படுத்தாமலும் பெண்கள் அதிக அளவில் சேலைகளை வாங்கி செல்கின்றனர் என்று வியாபாரிகளும் உற்பத்தியாளர்களும் தெரிவித்தனர். இந்த ஆண்டு மூலப் பொருள்களின் விலை கூடுதலானாலும் சேலையிலும் விலை உயர்ந்து உள்ளது அதையும் பொருட்படுத்தாமல் தீபாவளி திருநாள் என்பதால் வியாபாரம் சூடு பிடிக்க துவங்கியுள்ளது என்று மகிழ்ச்சியுடன் தெரிவித்தனர்.