மைடின் முகமது ஹோல்டிங்ஸ் பெர்ஹாட், சிறு, நடுத்தர நிறுவனங்கள் மாற்றுத்திறனாளி தொழில்முனைவோர் ஆகியோர் தங்கள் வணிகங்களை வளர்க்க உதவும் வகையில் சந்தை வாய்ப்புகளை வழங்குவதன் மூலம், உள்ளூர் தொழில்முனைவோரின் வளர்ச்சிக்கு ஆதரவளிப்பதில் உறுதியாக உள்ளது. உள்நாட்டு வர்த்தகம் மற்றும் வாழ்க்கைச் செலவு அமைச்சகத்தால் ஏற்பாடு செய்யப்பட்ட ‘ஜோம் மலேசியா: உள்ளூர் பொருட்கள்’ பிரச்சாரத்தில் மைடின் பங்கேற்றதன் மூலம் இந்த உறுதிப்பாடு வெளிப்பட்டது.
இப்பிரச்சாரத்தின் நோக்கம், உள்ளூர் தயாரிப்புகளுக்கான சந்தைப்படுத்தல் வாய்ப்புகளை நுகர்வோரிடம் விரிவுபடுத்துவதாகும். மைடின் நிர்வாக இயக்குநர், டத்தோ வீரா (டாக்டர்) ஹாஜி அமீர் அலி மைடின், உள்ளூர் தொழில்முனைவோர் தங்கள் விற்பனையை அதிகரிக்கவும், தங்கள் வணிகங்களை நிலையான முறையில் வளர்க்கவும் உதவும் முக்கிய காரணிகளில் ஒன்று சந்தை அணுகல் என்று கூறினார்.
தரமான தயாரிப்புகளை உற்பத்தி செய்வதைத் தவிர, தொழில்முனைவோர் சந்தைப்படுத்தல் வாய்ப்புகளைப் பயன்படுத்திக் கொள்ள வேண்டும், தயாரிப்புப் போட்டித்தன்மையை வலுப்படுத்த வேண்டும் மற்றும் நுகர்வோர் தேவைகளைப் புரிந்து கொள்ள வேண்டும் என்றும் அவர் கூறினார். “சிறு தொழில்முனைவோர் தங்கள் வணிகங்களை வளர்ப்பது எளிதல்ல. சிலரிடம் தரமான மற்றும் ஆற்றல்மிக்க தயாரிப்புகள் உள்ளன.
ஆனால் தங்கள் தயாரிப்புகளை ஒரு பரந்த சந்தையில் அறிமுகப்படுத்த அவர்களுக்கு வாய்ப்புகள் தேவைப்படுகின்றன. மைடின் நிறுவனமே ஒரு போர்டு ஷாப்பில் இருந்துதான் தொடங்கியது. ஒரு தொழிலை வளர்ப்பதில் வாய்ப்பு, முயற்சி மற்றும் உறுதிப்பாடு ஆகியவை முக்கியமான கூறுகளில் அடங்கும் என்பதை அந்த அனுபவம் எங்களுக்குக் கற்றுக்கொடுத்தது என்று அவர் கூறினார்.
தன்னை பொறுத்தவரை, பல்வேறு தரப்பினருடனான ஒத்துழைப்பின் மூலம் உள்ளூர் தயாரிப்புகளுக்கான சந்தை அணுகலை விரிவுபடுத்தும் முயற்சிகளுக்கு மைடின் தொடர்ந்து ஆதரவளிக்கும். மைடின் ஒரு சிறு, நடுத்தர நிறுவனம் இல்லை என்றாலும், உள்ளூர் தொழில்முனைவோர் எதிர்கொள்ளும் சவால்களை, குறிப்பாக இயக்கச் செலவுகள், சந்தைப் போட்டி, விற்பனையை அதிகரிப்பதற்கான முயற்சிகள் ஆகியவற்றில் நிறுவனம் புரிந்துகொள்கிறது என்று அவர் கூறினார்.
நெகிரி செம்பிலான் மாநில அரசின் துணைச் செயலாளரும் (வளர்ச்சி) மாநில பொருளாதார திட்டமிடல் பிரிவின் இயக்குநருமான டாக்டர் அர்வான் பின் சப்ரி தமதுரையில் இன்று நெகிரி செம்பிலான் இஸ்லாமிய சமய விவகாரத் துறையின் என்எஸ் சாய்ஸ், ஹலால் கோட்டேஜ் கோ குளோபல் ஆகியவற்றைச் சேர்ந்த 16 தொழில்முனைவோரும், உள்ளூர் தயாரிப்புகளையும் நெகிரி செம்பிலானின் தனித்துவத்தையும் நுகர்வோருக்கு எடுத்துரைக்கும் இந்த நிகழ்ச்சியில் பங்கேற்று இருக்கின்றனர். மேலும், இந்தத் திட்டத்தின் மூலம், தொழில்முனைவோர் தத்தமது தயாரிப்புகளில் என்எஸ் சாய்ஸ் சின்னத்தைப் பயன்படுத்துவதற்கான தரநிலைகளைப் பூர்த்திசெய்யும் வகையில், தயாரிப்புத் தரம், வர்த்தக முத்திரை, சான்றிதழ் ஆகியவற்றில் முழுமையான வழிகாட்டுதலைப் பெற்றுள்ளனர்.
அரசு, தனியார் துறை மற்றும் தொழில்முனைவோர் சமூகம் ஆகியவற்றுக்கு இடையேயான ஒத்துழைப்பின் மூலம், உள்ளூர் தொழில்முனைவோரின் தயாரிப்புகளுக்கான வெளிப்பாட்டை அதிகரிக்கவும், பரந்த வணிக வாய்ப்புகளைத் திறக்கவும் இந்த ஒத்துழைப்பு உதவும் என்று அமீர் மைடின் கூறினார்.
தொழில்துறை, பொருளாதாரம் ஆகிய துறைகளில் மாற்றுத்திறனாளிகளின் ஏழு வணிகங்களின் பங்கேற்பை விரிவுபடுத்துவதற்காக, இந்த நிகழ்ச்சியில் சிலாங்கூர் இளைஞர் சமூகமும் ஈடுபடுத்தப்பட்டுள்ளது. மேலும், மைடின் ஒவ்வொரு மாற்றுத்திறனாளி தொழில்முனைவோருக்கும் 500 ரிங்கிட் ரொக்கப் பற்றுச்சீட்டை வழங்கியதாக அவர் கூறினார்.
மாற்றுத்திறனாளிகளுக்கு உதவி மட்டும் போதாது, தங்கள் திறமைகளை நிரூபிக்க ஒரு வாய்ப்பும் தேவை. “சரியான சந்தை அணுகல் மற்றும் ஆதரவுடன், அவர்களால் தங்கள் வணிகங்களை வளர்த்து, மேலும் சுதந்திரமான வாழ்க்கையை அடைய முடியும் என்று அவர் கூறினார். ‘ஜோம் மலேசியா: உள்ளூர் பொருட்கள்’ பிரச்சாரத்துடன் இணைந்து நடைபெறும் இந்த விற்பனைத் திருவிழா அக்டோபர் 25 வரை நடைபெறுகிறது. இதன் மூலம், பொதுமக்கள் உள்ளூர் தயாரிப்புகளைப் பெறுவதற்கும், பங்கேற்கும் தொழில்முனைவோருக்கு ஆதரவளிப்பதற்கும் ஒரு வாய்ப்பு வழங்கப்படுகிறது. சந்தையில் உள்ளூர் தயாரிப்புகளின் நிலையை வலுப்படுத்தவும், அதன் மூலம் நாட்டின் பொருளாதார வளர்ச்சிக்கு பங்களிக்கவும், இந்தப் பிரச்சாரம் மேலும் பல மூலோபாய ஒத்துழைப்புகளுக்கு ஒரு ஊக்கியாக அமையும் என்று மைடின் நம்புவதாகவும் அவர் கூறினார்.
